Қазақстан Жазушылар одағының мүшесі, ақын Ислам-Ғали Үркімбайұлының «Алтын кездік» атты жаңа кітабы «Хантәңірі» баспасынан жарық көрді. Бұл өлеңдер жинағында ақын табиғат, туған жер, адам, қоғам арасындағы байланысты үздіксіз желі етіп тартып, өмірдің өнегелілік өлшемдерін сөз етеді. Автор адамзаттық құндылықтардың мәнін ашу үшін оны деректі ұғымдармен салыс­тыра жырлайды. Өзінің ақындық кредосын, адамдық асыл қасиетін, азаматтық парызы мен қарызын өзі анықтап бергендей әсер етеді.