Жарасқан Әбдіраш:
Қақ төрінен орын алар тарихтың,
Есімдерін ерендер мен алыптың,
Жазбау керек қағазға да, басқаға,
Жазбау керек тіпті қара тасқа да,
Жазу керек жүрегіне халықтың! – деп жырлаған еді. Өз есімін «халық­тың жүрегіне» жазуды мақсұт тұтқан «Соғыстан соң туғандардың» бір өкілі –Төтенше және өкілетті елші, Қазақстан Республикасының Мемлекеттік хатшысы, «Назарбаев орталығы» көпфунк­цио­нал­ды ғылыми-талдау және гуманитар­лық-ағарту мемлекеттік мекемесінің директоры, Қазақстан Республикасы­ның Америка Құрама Штаттарындағы және Канададағы Төтенше және өкілетті Елшісі сынды жауапты қызметтерде көп жыл бойы істеген Қанат Бекмырзаұлы Саудабаев биыл 70-ке толып отыр. Бір таң қаларлығы – осы жасқа дейін сан түр­лі орында отырып, әбден ысылып, Бас­шылық  тарапынан жылы лепес есті­ген Саудабаев мырза Н.Крупская атын­да­ғы Ленинград Мәдениет институты мен КПСС Орталық Комитеті жанын­дағы Қоғамдық  ғылымдар академиясын бітірісімен-ақ, еңбек жолын М.Әуезов атын­дағы Қазақ мемлекеттік академия­лық драма теат­рында режиссер болып бастаған екен. Жұмыс барысында осы бір тәжіри­бенің өзі мерейтой иесінің ішкі пластикасы мен поэтикалық әлемін түзуіне үл­кен септігін тигізген шығар деген ой­да­мыз. Әркез жиын-басқосу­ларда ойлы ­қал­пынан танбайтын ол, мінберден сөйлеген кезде-ақ театр тілі­мен айтқанда көрерменін жайлы мінез әрі жасан­ды­лық­тан ада екенін хабардар етеді. Адамбаласына керек, хакім айтқан «ыстық қай­рат, нұрлы ақыл, жылы жү­рек» сая­сат­танушыға тым қажет. Ше­шім­тал тұста шешендердің екіжүз­ділігі мен тұрақсыздығын сынаған сықақшы Гашек Саясатты қарғап өткен еді. Алайда, Алаш жұртының жоғын жоқтап, жыртығын жамап, бүлінгенін бүтіндеуге жан-тәнімен берілген арда азаматтар Ар-ожданды алдыға қояды ғой деген се­нім басым.Кейіпкеріміздің бағы жанып, бабы келісіп, Қазақ КСР Министрлер Кеңесі мәдениет бөлімінің меңгерушісі, Мәдениет министрінің орынбасары, Кино жөніндегі мемлекет­тік комитеттің Төрағасы әрі Мәдениет жөніндегі Мемлекеттік комитеттің Тө­­ра­­ғасы болып тағайындалған-ды. Жау­ап­­кершілік жүгін терең сезінген Сау­дабаев өз жолында кезіккен барлық қиын­дықты қисынға бағындырып, қа­жет кезде елдік мүддені ерлікпен қорғап, ғұмыр-тарихындағы Ұлы Жеңісті парақ­тай отыра, өзіне-өзі қатты разы болған кезі бар шығар деп ойлаймыз. Ағылшын мен түрік тілдерін жетік меңгерген философия ғылымдарының кандидаты, саясаттану ғылымдарының докторы Қанат Саудабаевтың үш баласы және төрт немересі бар. Отбасын өмірінің өзе­гіне айналдырған адамнан жып-жы­лы жел еспей, қайтсін?! 1946 жылы дү­ние­ге келгендердің ішінде АҚШ-тың 42-ші Президенті Билл Клинтон және Оба­маның орнын басуға бірден-бір үміт­кер Дональд Трамптың барын ескерсек, кейіпкеріміздің дәл осы бір Саясаттың даң­ғыл жолын таңдағаны – Тағдыр енші­сі! Туған күніңіз құтты болсын!..

Қанат  Бекмырзаұлы Саудабаев туралы мақаланы алдағы сандарын бірінен оқи аласыздар.