Түркістан облысы, Шардара қаласының орталық саябағына белгілі ақын, сыншы, әдебиетшi-ғалым, мәдениеттанушы Әмірхан Балқыбектің кеуде мүсіні орнатылды.
Игілікті іске бастамашы болған ақынның досы, ақын Маралтай Райымбекұлы. Ескерткіш-бюсттің авторы танымал мүсінші Алтай Бейсенов.
Өткен ғасырдың 90 жылдары әдебиетке келген Әмірхан Балқыбек әр жылдары маңдайалды республикалық басылымдарда қызмет атқарды. Өмірді өлеңмен өрнектеген ақын әдеби сынның дамуына да ерекше үлес қосты. Ол 45 жыл сүрген қысқа ғұмырында артына «Метаморфоза», «Сынған сәуленің шағылысуы» және «Қасқыр құдай болған кез» сынды кітаптар қалдырды. Өмірден озған соң ақынның «Ақын апологиясы» кітабы жарық көрді.
Айта кетейік, 2019 жылы Алматыда Әмірхан Балқыбек тұрған үйге ескерткіш тақта орнатылған болатын.
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»