Қазақстан Жазушылар одағының Басқарма Төрағасы Мереке Құлкенов бастаған қазақ қаламгерлері делегациясы Қытай астанасына жасаған іссапары аясында Чаоян саябағында орналасқан Абай Құнанбайұлының мүсініне гүл шоқтарын қойды. Бұл шара ұлы ойшыл, ақын Абай Құнанбайұлының 180 жылдық мерейтойына арналды.
Гүл шоқтарын қою рәсіміне Абай бюстінің авторы, белгілі қытай мүсіншісі Юань Сикунь арнайы қатысты. Қазақстандық қаламгерлер мен мүсінші қазақ-қытай мәдени байланыстарының маңызы мен Абай мұрасының екі ел арасындағы рухани көпір ретіндегі ерекше рөлін атап өтті.
Іс-шара достық пен мәдени ынтымақтастықты нығайтуға бағытталған сапар бағдарламасының маңызды бөлігі ретінде өтті.
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»