Ақтау қаласының 2025 жылғы «Түркі әлемінің мәдени астанасы» атануына орай, сондай-ақ Абай Құнанбайұлының 180 жылдығына орай, халық­аралық деңгейдегі ауқымды әдеби шара — «Түркі жас қаламгерлері» фестивалі ұйымдастырылады.

Фестивальдың басты мақсаты — түркітілдес мемлекеттердің жас әдебиет өкілдері арасында шығармашылық байланысты нығайту, қазіргі заманғы әдебиеттегі жаңа есімдерді таныту, жас қаламгерлердің көркемдік ойлау көкжиегін кеңейтіп, олардың туындыларын халықаралық кеңістікке шығару.
Халықаралық фестивальға қатысатын елдер: Қазақстан, Қырғызстан, Өзбекстан, Әзербайжан, Түркия, Түркіменстан.
Фестивальға 20–40 жас аралығындағы түркітілдес жас қаламгерлер қатыса алады.
Шығармашылық байқау келесі аталымдар бойынша өтеді:
• Проза
• Поэзия
• Драматургия
Шығармаларды қабылдау: 2025 жылғы 20 маусымға дейін.
• Байқау қорытындысы мен жеңімпаздарды марапаттау 2025 жылғы 8 шілде күні Ақтау қаласында өтетін әдеби форум дөңгелек үстел аясында жарияланады.
Фестиваль жеңімпаздарын әдебиеттану саласында беделі бар, елімізге және шетелге танымал ақын-жазушылардан құралған қазылар алқасы анықтайды.
Байқау форматы:
• Шығармашылық байқау жабық форматта өтеді.
• Қатысушының аты-жөні шығармамен бірге бағалау кезінде жария етілмейді.
«Түркі жас қаламгерлері» фестивалі түбі бір түркі халықтарының рухани байланысын тереңдетіп, жас қаламгерлер арасындағы шығармашылық серіктестікті нығайтатын тағылымды әдеби алаң болмақ.