Белгілі шығыстанушы, иранист-ғалым, филология ғылымдарының докторы, профессор Ө.Кү­місбаевтың «Шығыс шайырлары» деген атпен бес томдығы жарық көрді. Кітаптың бірінші томында парсы әдебиетінің бастауы «Авестадан» бастап, орта ғасырлардағы классикалық әдебиет пен қазіргі әдебиеттегі ақын-жазушылар шығар­ма­шылығы талданса, екінші томда парсы әде­бие­ті­нің классиктері – Фирдоуси, Рудаки, Хафиз, Омар Хаям секілді шайырлармен қатар, араб, түркі ақындарының таңдамалы жырлары, парсы проза­сы, шығыс халықтарының мақал-мәтелдерінің ау­дармалары берілген. Үшінші томда көне түркі әде­биетінен бастап, ХХ ғасыр басына дейінгі ақындар, Абай мен М.Әуезов шы­ғармаларындағы шығыстық сарын талданса, төртінші томда қалам­гер­дің әр жылдары жазылған ғылыми мақалалары топтастырылған. Топ­та­маның бесінші томында Ө.Күмісбаевтың шығыс ақындарына арнап әрі олардың сарынымен жазған таңдаулы өлеңдері мен әңгімелері топтас­тырылған.