Жуырда белгілі жазушы һәм ақын Марат Мәжитовтің «Қайта оралған аққулар» ат­ты жаңа кітабы жарық көрді. Жинаққа «Қайта оралған аққулар» романы мен «Әбудің қос күреңі», «Қарт чекистің әңгімесі» ат­ты екі хикая­ты, сондай-ақ соңғы жылдары жазылған бір топ махаббат лирикасы топтастырылған. Туындылардың қай-қайсының да арқалаған моральдық-әлеумет­тік жүгі бар. Оқушысын бей-жай қалдырмайды, түрлі ойға жетелеп, таным көкжиегін кеңейте түсетін тағылымды дүниелер екені даусыз.
Кітап Ақтөбедегі «ПринтА» баспасынан жарық көрген.