Қазақ­стан Жазушылар одағында Драма жөніндегі кеңестің отырысы өт­ті. Жиналысты кеңес төрағасы Аманкелді Мұқан ашып, күн тәртібіндегі мәселелерді таныстырды.
Жанрлық кеңеске Қазақ­стан Жазу­шылар одағы Басқарма төрағасының орын­басары Қасымхан Бегманов қатысып, драма кеңесінің мақсат-мүддесі мен қатысушылар қойған сұрақтарға жауап берді. Жазушылар одағының биыл атқаратын жұмыстарымен таныстырды.
Отырыс барысында алда өткізілетін кеңес жиынында 2024 жылға қорытынды баяндама жасауға Т.Жүргенов атындағы Қазақ ұлт­тық өнер академиясы өнертану факультетінің деканы профессор Меруерт Жақсылықова белгіленді.
Жыл қорытындысы аясында респуб­ли­ка­лық «Заманауи драма­тургияның талап­тары мен өзекті мәселелері» тақырыбында дөңгелек үстел отырысын өткізу; заманауи ав­торлардың үздік деген пьесаларын топ­тап жылына 1-2 «Драматургия аль­манағын» шы­ғару; орыстілді драматургтерді ҚЖО драматургия кеңесінің жұмы­сына тарту, сондай-ақ кеңес мү­шеле­рінің қызмет­тік міндет­тері нақ­ты бөлініп, олар­дың атқаратын жұмыс­тары жүйеленді.
Жиналысқа Жазушылар одағының хатшысы, сыншы, әдебиет­танушы Әлия Бөпежанова, Кеңес мүшелері: жазушы-драматург Сұлтанәлі Балғабаев, жас қаламгерлер Әлібек Байбол, Жәнібек Әлікен, Қолғанат Мұрат, Әлішер Айтуар қатысты.

Өз тілшіміз