Ә.Қастеев атындағы ҚР Мемлекеттік өнер музейінде суретші, «Дарын» мемлекеттік жастар сыйлығының лауреаты Асемқұл Бейбіттің «Шексіздік» атты жеке көрмесі  ашылды. Суретшінің отыздан аса графикалық туындысы қойылған көрме бесінші мамырға дейін көрерменін күтеді.

Көрменің «SHEKSIZDIK»/ «ШЕК­СІЗ­ДІК» атауы суретшінің 2014 жылы орын­далған жұмысымен сәйкес. Бұл – өмір мен өнердің, анаға деген ма­хаб­бат­тың шексіздігін ұғынуға жетелейді. Ана­сының өмірімен байланысты көрі­ніс­тер арқау болған бұл жұмыстарында ав­тор жанына жақын ана және отбасы тақырыбын қамтиды. Автордың  «Шек­сіз­дік», «Үш көзді ана» және «Батыр ана» туын­дыларында әйел-ана бейнесі оның күн­делікті өмірі, қоршаған әлемі мен таби­ғи болмысы арқылы суреттеледі. Автордың айтуынша, суретшінің «То­рығу», «Қаяу», «Прожектор», «Қара тон» жә­не «Сағыныш сезімі» ат­­ты композиция­лары­ның дүниеге келуіне ту­ған анасына деген сағы­ныш сезімі себепкер бол­­ған. «Әжемнің әңгі­ме­сі», «Бұлақ басында», «Немере», «Сағымбаланың құ­ша­ғында» туынды­ла­рын­да суретшінің бала­лық шақ кезеңіндегі көрі­ніс­тер, әже мен немере ара­сындағы тығыз байла­ныс­ты көрсеткен.

Аталмыш көрме Асем­құл Бейбітке ақ сүтін бе­ріп, азамат болып қалыптасуына ана­лық жүре­гімен, тәлім-тәрбиесімен әсер еткен аяулы анасы, марқұм Бейсе­балаға арналған. Көрмені ұйым­дас­тыруға ҚР Тұңғыш Президенті – Ұлт Көш­басшысы Қо­рының шығармашылық жобаларды жү­зеге асыруға грант іздес­тіру конкурсы ая­сында грант бөлінген.