13 тамызда «Жастар» ғылыми-зерттеу орталығы ҚР Мәдениет және ақпарат минис­трлігінің Жастар және отбасы істері комитетінің қолдауымен «AMANAT» партиясының Есіл филиа­лымен және Есіл ауданы әкімі аппаратымен бірлесіп «Қазақстан жастары» әлеуметтік зерттеуінің нәтижелерін таныстырды.

Айта кетейік, биыл Қазақ­станда Халықаралық жастар күніне орай 3 тамыз – 12 тамыз аралығында «Жастармен бірге!» ұлттық декадасы өтті. Оған ел бойынша 1 миллионнан астам адам қатысып, 5000-нан аса іс-шаралар ұйымдастырылды. Декаданың негізгі бағыттары жұмыспен қамту, нашақорлық пен лудоманияның алдын алуға, экологиялық мәдениет пен азаматтық жауапкершілікті дамытуға, сондай-ақ ұлттық сананы нығайтуға бағытталған. Аталмыш шара ұлттық декаданың қорытындысы ретінде өтті.