Мира Алипинова
Фото Игорь Бургандиновтікі

Астанада Қазақстанның отандық IT-брендінің миссиясын тағы да растаған халықаралық  «Robotek Grand Tournament» чемпионаты аяқталды.

«Robotek Grand Tournament» чемпионаттан чемпионатқа өсіп келеді, үш жыл ішінде отандық робототехниканың маңызды оқиғасына айналды. Бірінші RGT, 2022 жылы, елордалық мектеп оқушыларын біріктірді. Келесі жолы «Robotek» алаңында еліміздің үздік командалары кездесті. Биыл чемпионат алғаш рет халықаралық деңгейге шықты, Астанаға Өзбекстан, Тәжікстан, Қырғызстаннан үздік командалар ұшып келді.

Бірінші чемпионаттан бастап «Robotek Grand Tournament» әлемдік стандарттардың бірегей платформасы ретінде «Дарын» республикалық ғылыми-практикалық орталығы және «Астана дарыны» дарынды балалар мен  жастарды анықтау және қолдау  орталығымен бірлесіп құрылды.

RGT-2024 алаңында еліміздің барлық аймағынан келген облыстық турнирлердің жеңімпаздары бас қосты. Бірнеше жас тобындағы 250-ден астам мектеп оқушысы «Robotek», «Мерген», «Инверстік сызық бойымен жарыс», «Туды жеткізу», «Жеткізуші робот»,  «Сұрыптаушы робот» санаттары бойынша бақ сынады.  

Қазақстан шаңырағы астында «Robotek Grand Tournament» алаңында түркітілдес елдердің үздік робототехниктері жиналды. «TurkTime!» жаһандық бастамасы аясында отандық «Роботек» компаниясы мен Қырғызстаннан Ақылман президенттік лицейі (Шолпан-Ата), «Сапат» халықаралық желісі (Бішкек), «Seytek STEM» білім беру желісі (Токмак), Ташкент пен Шыршықтан өзбекстандық SteamLand және Roboschool білім беру орталықтары, сонымен қатар тәжікстандық «Лига роботов» арасында ынтымақтастық туралы меморандумға қол қойылды.

Астана меморандумдары қазақстандық оқушылардың спорттық робототехниканың әлемдік көшбасшыларымен ауқымды серіктестігін жалғастыруда. 2023 жылдың қарашасында Панамада өткен Дүниежүзілік робот олимпиадасында «Robotek» АҚШ-тың STEM саласындағы білім беру қызметтерінің әйгілі «Chasewood Learning» орталығымен, Хэбэйдегі (Қытай) Синтай №19 орта мектебімен, Әзірбайжанның «AREA» робототехника инженерлік академиясымен стратегиялық серіктестік орнатты.

«Robotek Grand Tournament» жаһандық бірегейлігі Астана чемпионатында қазақстандық зияткерлік технологиялардың әлемдік робототехникаға сәтті таратылуында.

– Біз робототехника бойынша ауқымды республикалық және халықаралық жарыстардың жиі өтіуіне мүдделіміз, «Robotek Grand Tournament» – мазмұны бойынша толығымен қазақстандық, авторлық регламенттер бойынша өткізілді, бұл балаларды жаңа инженерлік шешімдерге шабыттандырады. Чемпионаттың миссиясы біздің компанияның миссиясымен үндес – балаларға болашаққа сенімді қадам жасауға көмектесу. Біз нақты экономика үшін жаңа буынның отандық инженерлік резервін құру бойынша жұмыс істеп жатырмыз. Бүгін чемпионаттарда роботтарды құрастыратын және бағдарламалайтын оқушылар ертеңгі күні жасанды интеллекттің қатысуымен жоғары технологиялық, цифрлық, роботтандырылған кәсіпорындарда сұранысқа ие болады, – деп атап өтті компанияның бас директоры Санжар Шалқарбеков.

Чемпионатта алғаш рет «Robotek» компаниясының маскоты Теко таныстырылды. Ең креативті эскизге арналған республикалық байқауда жеңіске жеткен оралдық оқушы Дильназ Нұрғалиева сәттіліктің бірегей тұмарын жасады.

Басты Кубок  – «Ел кубогын» – батыс қазақстан облысының құрамасы Оралға алып кетті.

Биыл алғаш рет үш арнайы аталым енгізілді: «Үздік инженерлік шешім», оның жеңімпаздары Түркістан облысының Кентау қаласынан Ибрагим Искандеров пен Нұрислам Ершов, «Үздік ауылдық команда» Жетісу облысы Ақсу ауданынан Бекжан Мұхтарбек пен Роман Проняковқа тағайындалды. Артем Аппазов пен Джахонгир Мамаджанов «Үздік шетелдік команда» аталымын Өзбекстанның Шыршығына алып кетті.

Еліміздегі жетекші ЖОО – Қазақстан-Британ техникалық университетінің ақпараттық технологиялар және инженерия мектебіне білім грантын Абай облысы, Үржар ауданынан келген Мирас Слямғазы алды.

Робототехника мен бейіндік чемпионаттардың сұранысын Allur автомобиль компаниясының брендті дамыту бөлімінің бастығы Рысты Асенова растады:

Востребованность робототехники и профильных чемпионатов подтвердила начальник отдела развития бренда автомобильной компании Allur Рысты Асенова:

– Отандық индустрияның болашағы жаңа технологиялық әзірлемелерге және оларды жасаушыларға байланысты. Чемпионатта академиялық білімді де, қатысушылардың шығармашылық ойлауын да дәлелдейтін сауатты инженерлік шешімдер басым болды. Бүгінгі таңда әрбір ЖОО студент болып техникалық мамандықтарды саналы түрде таңдаған оқушылардың келуіне мүдделі, ал кәсіпорындарда нағыз кәсіпқой маманға айналатын үздік түлектер өзекті.

Елімізде мектеп робототехникасын дамытуға және «Robotek Grand Tournament» өткізуге қолдау көрсетті: чемпионаттың платина демеушісі – Allur автомобиль компаниясы, алтын демеушісі – «Sana Sport» отбасылық-спорттық  орталығы.

Қазақстанның «Robotek Grand Tournament» чемпионатына құру келесі жылы 20-дан астам елден қатысушылар келуге дайын, бұл беделді чемпионатқа деген үлкен қызығушылықты дәлелдейді.

– Біз үшін «Robotek Grand Tournament» чемпионатына қатысу болашаққа көз жүгіртуге, қазақстандық стандарттармен танысуға және алға жылжуға тамаша мүмкіндік, –  деп мойындады 2023 жылы Панамадағы «World Robot Olympiad»чемпионы атанған тәжікстандық «Роботтар лигасының» басшысы Фируз Бакоев.

Келесі жылы Астанада «Robotek Grand Tournament» алаңында Америка Құрама Штаттары, Қытай, Түркия, Әзірбайжан, Оңтүстік Корея, Жапония, Тайвань және басқа да елдердің жас робототехниктері кездесуге ниетті.