«МЫҢ ЖАСАҒАН ШАҺАР»
18.03.2016
1082
0

20140512124719Биыл ақ басты Алатаудың бөктеріне орналасқан, күллі әлемге апорт алмасымен танылған, көрікті де әсем қала Алматының 1000 жылдық мерейтойы ЮНЕСКО көлемінде тойланбақ. Осы дүбірлі мерекенің шымылдығы 22 наурыз – Ұлыстың Ұлы күні сағат 15.00-де Өмірбек Жолдасбеков атын­дағы студенттер сарайында «Мың жасаған шаһар» тақырыбында халық­аралық ақындар айтысымен ашылады.

Сөз айтысы Алматы қаласының әкімі Бауыржан Байбектің бастамасымен өтеді. Тарихы тереңде жатқан ару қала жайлы айтысқа Моңғо­лиядан да, Қырғызстаннан ақындар қатысады. Жыр додасын Рүстем Қайыртай (Алматы), Иранғайып Күзем­баев (Астана), Аспанбек Шұғатаев (Павлодар), Нұрлан Мусаев (Маңғыстау), Болатбек Оразбаев (Алматы), Серік Қуанған (МХР Моңғолия), Шалқарбай Ізбасаров (Атырау), Бибігүл Тілебал­ди­нова (Алматы), Олжас Отар (Тараз), Жансая Му­сина  (Орал), Мейірбек  Сұлтан­хан (Қызыл­орада), Әсел Тәушенова (Атырау),  Шұғайып Сезімхан (­Түр­кіс­тан), Азамат Болғонбаев (Қырғыз­стан) сынды ел аузында жүрген, шашасына шаң жұқ­тыр­мас 14 ақын қыздырмақ.
Айтысты көрнекті ақын, ҚР еңбек сіңірген қай­раткері Жүрсін ЕРМАН жүргізеді.

Келіңіздер, көріңіздер!
Билеттер Студенттер сарайының кассасында сатылады.
Байланыс телефоны: 274 62 20.

 

ПІКІР ҚОСУ