Жақында Астанадағы Е.Рахмадиев атындағы мемлекет­тік академиялық филармония залында күйші-композитор, дирижер, Мәдениет қайраткері Нұрлан Бекеновтің «Елім деп күй төгемін» ат­ты шығармашылық кеші өт­ті.

Филармонияның Қазақ оркестрі дирижер А.Жайымов­тың «Шат­тық елі» күйімен кеш шымылдығын ашты. Кеште белгілі күйші, Мемлекет­тік сыйлықтың лау­реаты Секен Тұрысбек «Ақ жайлау», «Көңіл толқыны» күйлерін орындап, өнерсүйер қауымның ыстық ықыласына бөленсе, Қазақстанның Халық әртісі, Мемлекет­тік сыйлықтың лауреаты Алтынбек Қоразбаевтың «Қараша қаз, қайдасың?», «Сағындым Алматымды» ат­ты әндері көпшіліктің көңілін әсем күйге бөледі.
Өнер кешінде композитор Н.Бекеновтың «Туған жер» (сөзі: Н.Қалқа), «Арман-ай» (сөзі:
Е.Тілепбердиев), «Жастық шақ қайтып келмейді» (сөзі: Т.Сақтағанов), т.б. әндері орындалды.
Күйшінің «Шат­тан, елім» (ор.: оркестр, дирижері: А.Жайымов), «Тойға шашу» (ор.оркестр, дирижері: Е.Бақтыгерей), «Жайлауда» (ор.: автор),
«Мұқали» (ор.: оркестр, дирижері: Н.Бекенов), «Орақты батыр» (ор.: оркестр, дирижері: Н.Бекенов), т.б. туындыларын көрермен зор ықыласпен тыңдады. Композитордың ұл-қыздары – Айсәуле, Ұлжан, Әлихан белгілі ақын, Мемлекет­тік сыйлықтың лауреаты Н.Айтұлының «Отан» ат­ты өлеңін, т.б. жыр жолдарын мәнерлеп оқыса, «Балдәурен» балалар тобы «Алты Алаштың баласы» (сөзі: А.Сейтақ) ат­ты әнді хормен айт­ты.
Сондай-ақ кеш барысында композитор, Қазақстанның еңбек сіңірген қайраткері С.Еркімбековтің «Дархан дала» (ор.: А.Әбділда, Ш.Тыныштық, фортепианода С.Еркімбеков), ақын-сазгер Т.Рахимовтың «Аягөз ару» (ор.: Г.Сарина), әнші-композитор Қ.Деріпсалдиннің «Айлы түнде» (ор.: Гүл-Маржан дуэті), т.б. қазақ композиторларының шығармалары көрерменнің жанын жадырат­ты.
Кеш соңында Нұрлан Бекенов: «Астанаға келіп, оқу оқып, еңбек етіп келемін. 1998 жылы Қазақ ұлт­тық музыкалық академиясы ашылды. Қазақ оркестрі құрылып, оған домбырашы болып кіргеніме, өнерде жүргеніме 25 жыл болыпты. Осы ширек ғасырда жазған шығармаларымды, еңбегімді халқыма көрсетіп, сіздердің бағаларыңызды алғым келді», – дей келе, туған жерінен келген анасына, жанашыр ағаларына, ұстазы мен жиналған қауымға ризашылығын білдірді.