Тараз қаласы маңындағы яғни, Бесағаш ауылындағы зираттардың бірінде б.з.д. V-ІІІ ғасырдағы сақ дәуіріндегі қазан табылды.

Ауыл тұрғыны Ертай есімді азамат қабір қазып жатқан жерден қола мен қалайы қосылған сақ мәдениетіне тән көне қазанды тауып алған. Бесағаш ауылының азаматтары табылған жәдігердің тарихын зертеп білу мақсатында археолог Сауран Қалиұлымен хабарласып, мән-жайды түсіндірген.

Тұрғындардың өтініші бойынша Шерхан Мұртаза атындағы руханият және тарихтану орталығының директоры, тарихшы, археолог Сауран Калиев Бесағашқа арнайы барып тарихи жәдігермен танысты.

Мадияр ЕРАЛЫҰЛЫ