Алматының ең үлкен сауда орталығында домбырашылар флеш-мобы күй шашу тарту етті.
![](https://qazaqadebieti.kz/wp-content/uploads/2021/11/WhatsApp-Image-2021-11-30-at-18.50.56-300x200.jpeg)
1 Желтоқсан- ҚР Тұңғыш Президенті- Елбасы Күні қарсаңында оңтүстік астананың жүздеген тұрғындары мен қонақтары «Апорт молл» сауда- орталығында Алматы қаласының химия-биология бағытындағы Назарбаев Зияткерлік мектебі домбырашыларының халық аспаптар флешмобын тамашалады.
![](https://qazaqadebieti.kz/wp-content/uploads/2021/11/WhatsApp-Image-2021-11-30-at-18.50.57-2-300x200.jpeg)
Жиналған көрермендердің алдында Зияткерлік мектебінің «Нұр сазы» халық аспаптар оркестрі әйгілі Құрманғазы, Дәулеткерей күйлерімен қатар, танымал композиторлар Нұрғиса Тілендиев пен Әбдімомына Жілдебаевтың туындыларын орындады.
![](https://qazaqadebieti.kz/wp-content/uploads/2021/11/WhatsApp-Image-2021-11-30-at-18.50.56-1-300x200.jpeg)
Көрермендер Н.Тілендиевтің «Аққу», «Ата толғауы», А.Жілдебаевтың «Ерке сылқым» күйлерін жылы қарсы алды. Домбырашылардың флешмобын мектептің вокалистері қолдады. Мерекелік шара қарсаңында «Жұлдыздар жарқырайды» Халықаралық балалар мен жасөспірімдер шығармашылық байқауында 1-ші орынға ие болған «Rahym’ s club» хореографиялық ансамблінің билері мерекелік концертке ерекше айшық берді.
![](https://qazaqadebieti.kz/wp-content/uploads/2021/11/WhatsApp-Image-2021-11-30-at-18.50.57-300x200.jpeg)
Алматы NIS-тің 10 сынып оқушысы Богдан Миронов алғаш рет ауқымды шараға қатысып, оркестрмен бірге күйлерді орындағаннан ерекше әсер алғанын айтады:
![](https://qazaqadebieti.kz/wp-content/uploads/2021/11/WhatsApp-Image-2021-11-30-at-18.50.57-1-300x200.jpeg)
Мен 7-ші сыныпта Зияткерлік мектеп қабырғасында домбыра тартуды үйрендім. «Нұр сазы» халық аспаптар оркестрінде биылдан бастап ойнап жүрмін. Күйлердің барлығы маған өте ұнайды. Нұрғиса Тілендиевтің «Ата толғау» күйі ерекше толғандырады,- деді зияткер.
![](https://qazaqadebieti.kz/wp-content/uploads/2021/11/WhatsApp-Image-2021-11-30-at-18.50.58-300x200.jpeg)