Тәуелсіздік күні қарсаңында 1916 жылғы Торғайдағы ұлт-азаттық көтеріліс қаһармандарының бірі, ғасырға жуық жат жерде жатқан бассүйегі өткен жылы елге әкелініп, туған жеріне жерленген асыл ер Кейкі Көкембайұлы жайында «Кейкі мерген» атты тарихи драма экранға шықты.
Он алты бөлімнен тұратын хикаяны түсіруге қолдау көрсеткен ҚР Ақпарат және коммуникация министрлігі болса, ғылыми кеңесшісі – тарихшы-ғалым Берік Әбдіғали. Түркістан, Жамбыл, Алматы облыстарында төрт ай түсірілген көркем туындыда Амангелді Иманов, Әбдіғапар хан, Әліби Жангелдин, Міржақып Дулатұлы және Ахмет Бірімжанов секілді тұлғалардың да образдары бар. «Қазақстан» Ұлттық телеарнасынан көрсетіліп жатқан фильмнің басты мақсаты – «ақ қашып, қызыл қуған» аласапыран заманда өмір сүрген тұлғалардың өмірі мен тарихи оқиғалар арқылы халқымыздың азаттық жайындағы ой-арманын көрсету.
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»