Белгілі жазушы-ғалым, публицист Тоқтар Бейісқұлов ұлы суреткер Бейімбет Майлиннің трагедиялық өмірі мен шығармашылығын ұзақ жылдар зерттеп, бұрын беймәлім болып келген қырларын ашып, Б.Майлин туралы алты кітап және «Би-аға» атты естеліктер жинағын шығарды.

Оның «Қанатты қаламгер», «Бейімбетті атқан кім?», «Қилы заман азабы», «Б.Майлин және ұлт өнері» кітаптары бейімбеттануға қосылған қомақты зерттеулер болмақ. Жазушының таяуда Алматыдағы «Тоғанай-Т» баспасынан жарық көрген «Менің пірім – Бейімбет Майлин» атты кітабы жоғарыдағы еңбектердің жалғасы.