Ыстамбұлда жарық кө­ре­тін «Қазақ елі» альманағы жа­ңа санын Астана қала­сының 20 жылдығына ар­на­ды. Ба­сылымда Елбасы Нұр­сұлтан Назарбаевтың «Ұлы Дала ұлағаттары» кіта­бын­дағы «Қиырдан кел­се қан­дастар» деп аталатын төр­тін­ші бөлім­нен үзінділер берілген.

Сондай-ақ, қазақ-түрік білім және зерттеу қауымдастығының төрағасы Шабан Серкан Динчтүрк кіріспе сөзінде Кеңес үкіметі ыдырағаннан кейін тәуелсіздікке қол жеткізген Қазақстанның жаңа астанасының қалыптасу жолы туралы әңгімелеп, Елорданың 20 жыл ішінде жеткен жетістіктеріне тоқталған. Бүгінде халықаралық деңгейдегі мәдени, саяси және экономикалық кездесулердің ордасына айналған Астананың тек қана Қазақстан халқының емес, бүкіл әлемдегі барша қазақтың мақтанышы екенін де тілге тиек еткен.