Елорда төрінде XXI «Шабыт» халықаралық шығармашыл жастар фестивалінің шымылдығы ашылды. Байқаудың салтанатты ашылуы Бейбітшілік және келісім сарайында өтті.

Астана қаласы әкімінің орын­ба­сары Ермек Аманшаев қатысу­шыларға сәттілік тілеп: «Шабыт» елордамызбен бірге дүниеге келіп, бірге жасап, өркендеп келеді, шығармашылық пен өнер шыңда­рын бағындыруда. Жыл сайын көздерінде от ойнаған, сөздерінде жалын бар жас таланттарымызды қарсы аламыз», – деді. Фестиваль­дің салтанатты ашылуы биылғы аталымдар бойынша бәсекеге түсетін үміткерлердің өнер көрсе­т­уімен жалғасты. Жалпы, байқауға қатысуға барлығы 613 жас талап ниет білдірген. Олардың арасында өз елімізден бөлек, Ресей, Бела­русь, Украина, Грузия, Израиль, Башқұртстан, Қырғызстан, Әзер­бай­жан, Өзбекстан мемлекет­те­рінің де өкілдері бар. Байқау бағ­дар­ламасы бес негізгі аталымды қамтиды: классикалық музыка, халық музыкасы, эстрадалық во­кал, хореография және 2011 жыл­дан кейін қайта енгізіліп отырған журналистика аталымы. «Шабыт» қалам ұстаған жастардың шабы­тына қанат бітіргені анық.