«АСТАНА» ТАҚЫРЫБЫ – АСТАНА САХНАСЫНДА
14.09.2018
308
0

Қыркүйек айының 7-8-і күндері Астана жұртшылығы елордаға гастрольдік сапармен келген Ілияс Омаров атындағы Қостанай облыстық қазақ драма театры әртістерінің өнерін тамашалады.

Белгілі жазушы, драматург, Қа­зақстанның еңбек сіңірген қай­раткері Жолтай Әлмашұлының қос драмасы көрермендерге ерек­ше әсер сыйлады. Алғашқы «Қайы­рымды қаладағы қарлы­ғаш­тар» деп аталатын қойылым 2017 жылы ҚР Мәдениет министр­лігі­нің «Тәуелсіздік толғауы» атты байқауында жүлдегер атанған. Онда қазақ елінің тәуелсіздігін нығайту кезеңіндегі қажырлы кү­рес пен Астананың сәулетті қала бо­лып бой көтеруі жолындағы қиын­дықтар жайлы айтылады. Пье­саның бас кейіпкері – Сәу­лет­ші жігіт арқылы түрлі тартыстар өрбиді. Негізгі идея әл-Фарабидің «Қайырымды қала тұрғындары» трак­татынан алынған. Жалпы, қойылымда қазақ елінің қала салу жо­лындағы арманы Әбунасыр әл-Фараби, Ахмет Ясауи, Абылай хан заманынан желі тартқаны туралы нанымды баяндалады. Режиссер Ержан Қауланов бұл пьеса елор­да­ның 20 жылдық тойына тарту еке­нін айтады. Ал екінші «Мұңмен алыс­қан адам» драмасының басты тақырыбы (режиссері Ерсайын Төлеубай) – оралмандар тағдыры. Онда өткен ғасырдың 30-жыл­да­рындағы аласапыранда атаме­ке­нінен жыраққа көшуге мәжбүр бол­ған бір отбасының тарихы ар­қылы бүкіл қазақтың бастан кешкен ауыр жағдайы арқау бол­ған.

ПІКІР ҚОСУ

Ваш e-mail не будет опубликован.

Пікір