ЕЛОРДАДА ТАЙВАНЬ СУРЕТШІЛЕРІНІҢ КӨРМЕСІ АШЫЛДЫ
24.08.2018
617
0

Таяуда Астанадағы Ұлттық музейде Тайвань суретшілерінің көрмесі ашылды. «Шығыс күнтізбесі» атты көрмеде көрермендердің назарына бас-аяғы сексен үш графикалық туынды ұсынылыпты. Аталмыш картиналар Тайваньның Ұлттық музейі ұйымдастыруымен ксилография, литография, жібек және сандық баспамен жұмыс істейтін қылқалам шеберлері қатысқан арнайы байқау бойынша сараланған болатын. Тағы бір айта кетерлігі, көрме аяқталған соң тайваньдық суретшілердің бірнеше көркем туындысы Елордадағы Ұлттық музейдің қорына табысталады.

Тайбэй-Мәскеу үйлестіру комиссиясы өкілдігі мәдениет бөлімінің директоры Николас Сюй Тайвань қылқалам шебер­лерінің көрмесі Елордада алғаш өтіп жатқандығын, сондай-ақ аталмыш көр­ме­нің басты ерекшелігі – бұнда тек гра­фикалық үлгіде салынған шығармалар қойыл­ғандығын тілге тиек етті. Ал Аста­надағы Ұлттық музейдің сәулетіне тамсанған көрме ұйымдастырушысы Андрей Мартынов болса бұған дейін Ресейдің бірнеше қаласында көрме ұйымдастырғандығын айта келіп, көрменің Елорда төрінде өтіп жатқанды­ғына қуанышын жеткізді.
Бұл игі шара Мәскеудегі Тайбэй-Мәс­кеу экономикалық және мәдени ынты­мақ­тастық жөніндегі комиссиясы өкіл­ді­гінің қолдауымен ұйымдастырылып отыр.

ПІКІР ҚОСУ

Ваш адрес email не будет опубликован.

Пікір