Шәкен Айманов атындағы «Қазақфильм» киностудиясының «Күлтегін» толықметражды анимациялық фильмі Португалияда өтетін Халықаралық кинофестивальдің негізгі бағдарламасына қатысады.
Осымен екінші рет өткелі отырған фестиваль қыркүйектің 14-15 күні Португалияның Порту қаласында болады. Байқаудың мақсаты – португалдық және әлемдік фильмдерді кеңінен насихаттау, жаңа таланттарды таныту. Фильмнің режиссері – Адай Әбілда. Анимациялық туынды көшпенді халықтардың басын біріктіріп, Ұлы көшпенділердің дәстүрін жалғастырған Түркі қағанатының даңқты әскери қолбасшысы Күлтегіннің жастық шағы туралы.
«Күлтегін» фильмі шілде айында Астанада өткен XIV Халықаралық «Еуразия» кинофестивалінің «Еуразия жүрегінде» атты конкурстан тыс бағдарламасында көрсетіліп, көрерменнің ыстық ықыласына бөленген еді.
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»