Жаңа дәуір бастамасы
06.07.2018
1292
0

Амандық БАТАЛОВ,
Алматы облысының әкімі


Қазақстан халқын еліміздің жү­регі, тәуелсіздігіміздің тірегі бол­ған бас қаламыз Астананың 20 жыл­­дық мерейтойымен шын жү­рек­тен құттықтаймын!
Елбасы, Ұлт Көшбасшысы Нұрсұлтан Әбішұлы Назарбаевтың көрегендігімен, тарихи шешімімен, өзін­дік қолтаңбасымен дүниеге кел­ген Астана биылғы жылы жиыр­ма­сыншы белесін бағындырып отыр.
Елорда – жасампаздықтың жар­қын үлгісі, Қазақстанның жаңа дәуірінің батыл бастамасы, Пре­зи­дентіміздің төл туындысы.
Осы ширек ғасыр уақытта Ас­та­на әлемдік саясаттағы әмбебап қа­лаға айналды. Бас шаһардың тө­рінде қаншама еларалық ке­ліс­сөз­дер, дүниежүзілік диалогтар, бей­біт бітімгерлік істер атқарылды. Өт­кен жылы «ЭКСПО-2017» Халық­ара­лық мамандандырылған көрмесі лайықты деңгейде өткізі­ліп, жас қа­ла жасыл экономикаға бағыт­тал­ған тың идеялардың, озық ой­лар­дың, технологиялық мүмкін­дік­тер­дің жаршысы болды.
Президентіміз «Астана – елі­міз­дің әлеуметтік экономикалық да­муының локомотиві болуы тиіс», – деген еді. Сол талапқа сәйкес елдің бас қаласы мемлекетті рухани ке­мел­дендірудің, экономикалық қуа­тын арттырудың басты орталығы ре­тін­де дамып, болашақта Еуразия­лық мегаполиске айналуға табысты қадам басып келеді.
Бір шаңырақ астында ортақ мақ­сатқа біріккен, ортақ арман та­быс­тырып, тағдыр тоғыстырған бар­ша қазақстандықтар үшін, со­ның ішінде Жетісу халқы үшін Ас­тана – тәуелсіздіктің тұмары, бей­бітшіліктің бесігі, бағаналы да бас­ты ордасы!
Алашқа айбын болған Мәңгілік ел Астанасының тұғыры биік, бо­ла­шағы жарқын болсын!


«Жетісу» саябағы – Елорда төрінде

Астана қаласының 20 жылдық мерейтойына орай, Алматы облысы бас қалаға тарту жасап, «Жетісу» саябағын жаңғыртты. Бұған дейін «Арай» аталған саябақтың жаңа келбеті Елбасы Нұрсұлтан Әбішұлы Назарбаевқа таныстырылып, саябақта Елорданың 20 жылдығына арналған шаралар ұйымдастырылды.

Облыс әкімі А.Баталов Нұрсұлтан Назарбаевқа саябақта Алматы об­лы­сының көрнекті орындарының бар­лығы көрініс тапқанын айтты. Оның кіре берісінде Жетісуді бейнелейтін жеті арка, одан әрі субұрқақтары бар бас­ты аллея орналасқан, сондай-ақ, тау сілемдерінің көрінісі және киіз үй­ге ұқсас орын-жайлары бар «Апорт» алаңы, балаларға арналған ойын алаң­­дары, «Тәңір» алаңы, шаған ал­­леясы, «Таңбалы тас» петроглиф­те­рі бейнеленген тастар және Ша­рын шатқалының үлгісі бар.
Шараға қатысушылар алдында сөз сөйлеген Нұрсұлтан Назарбаев Ал­маты облысы Астананың мерей­тойына керемет саябақ тарту еткенін жә­не оның елорда тұрғындарының сүйік­ті демалыс орнына айнала­ты­нын атап өтті.
«Бүгінде барлық облыстар кө­мек көрсетіп, қолдау білдіріп жатыр. Өйткені, Астана – бүкіл Қазақ­стан­ның жетістігі. Бас қала құрылысына өңір­лердің бәрі атсалысты және қа­зір мұнда еліміздің әр түкпірінен кел­ген адамдар өмір сүреді. Біз ХХІ ға­сырда ғаламат дүниені бірге жа­са­дық. Адамзат тарихында мұн­дай қа­лалар ешқашан 20 жылдың ішінде салын­баған. Ал біз салдық!», – деді Қазақстан Президенті.
Астаналық көрермен үшін сах­нада Алматы облысының танымал әртістері және этномәдени орта­лық­­­тарының өкілдері өнер көрсетті. Олардың қатарында Сүйінбай атын­дағы облыстық филармония, Мұқан Тө­лебаев атындағы Халық аспаптар оркестрі, «Алтынай» халықтық би ан­самблі, «Сүйінбай сазы», «Құлан­саз» фольклорлық-этнографиялық ансамбльдері және басқа да өнер ұжым­дары мен жеке дауыстағы ән­шілер бар.
Көркемсурет галереясының «Же­­­тісудың 20 қылқалам шебері» ат­ты ашық аспан астындағы көрмесі ұйым­дастырылып, үздік туындылар қойылды. Суретшілер Х.Кикимов, Е.Садырбаев, К.Ақашев, М.Нису­пов, Н.Қилыбаев, Н.Жошыбаев жә­не басқа да авторлардың шығар­ма­ларында Жетісудың тарихы, мә­де­ниеті, табиғаты мен салт-дәс­түрлері бейнеленген.
Құрылыс жұмысының бас мер­дігері – «BI-Industrial» жауапкерші­лігі шек­теулі серіктестік.

Сағыныш Намазшамова.

ПІКІР ҚОСУ

Ваш адрес email не будет опубликован.

Пікір