Жастар әлеуметтік бастамаға үн қосты
22.06.2018
925
0

Елбасы бес әлеуметтік бастама көтерген соң көп ұзамай «Жас Отан» жастар қанаты «Елбасының бас бастамасы» атты видео байқау жариялаған еді. 14 наурыз бен 4 мамыр аралығында еліміздің әр аймағындағы жастар бұл байқауға көптеген роликтер жолдаған. Жуырда байқаудың қорытындысы белгілі болды.


Елордада өткен байқау жеңім­паздарын марапаттау рәсіміне Қазақстанның әр қаласынан жас­тар жиналды.
1-орынды Алматы қаласының жоғары оқу орындары­ның бірінде дизайн пәнінің оқытушысы Ай­жұл­дыз Абыкеева иеленіп, сый­лыққа Canon 7d Mark фотока­мера­сын алды. 2-орын мен электронды стэ­дикамды Қарағанды Мем­ле­кеттік университетінің 1-курс сту­денті Бердібек Қа­зығұлов ие­лен­ді. Астана қаласының Ішкі іс­тер депар­таментінің маманы Ерболат Орымбаев 3-орынға бе­ріл­ген DJI Osmo камерасын ұтып алды. Ол жоғары оқу орын­дарын­да жатақхана жетіспеушілігі туралы әлеуметтік ролик түсіріп, оқ бойы озық шықты. Ал Динара Құрман­ғо­­жина сыйлыққа GoPRo экшн-камерасын алды. Бай­қаудың басты мақсаты – жастарды Елбасы жариялаған әлеуметтік баста­ма­лар­мен таныстыру. Нақтырақ бас­таманың тұрғын үй бағдарла­масы, білім беру гранты мен жа­тақ­хана, салық cалу мәселесі, шағын және орта бизнесті дамыту, еліміздің барлық аймақтарына көгілдір отын тарату сынды бағыт­тарына көңіл бөлу. Марапаттау рәсімінің соңында ұйымдас­тыру­шылар жеңімпаздарға шығарм­а­шылық табыс тілеп, сыйлыққа алған техни­ка­лармен түсірілген сапалы видеоларды күтетіндерін жет­кізді.

ПІКІР ҚОСУ

Ваш адрес email не будет опубликован.

Пікір