Көптілділік маңызды
29.09.2017
1086
1

Елбасы Нұрсұлтан Назарбаев «Қазақстан-2050» стратегиясы: қалыптасқан мемлекеттің жаңа саяси бағыты» атты Қазақстан халқына Жолдауында әрбір қазақстандықтың өміріндегі үштілділіктің маңыздылығына тоқталып, болашақта еліміздің дамып өркендеуіне жас ұрпақтың үш тілді игергені жөн деп айтқан еді. Қазіргі таңда бір немесе екі тілмен ғана шектеліп қалуға болмайтынын өмірдің өзі дәлелдеуде. Бүгінгі кейіпкеріміз де замандастарына көп тіл білуге кеңес береді. С.Аманжолов атындағы ШҚМУ Тарих, филология және халықаралық қатынастар факультетінің
4 курс студенті Есім ҚАСЫМҚАН бүгінде тіл білгенінің арқасында қатарластарының алды болып келеді. Білім-ғылымға талпынған жасты Елбасы ұсынған «100 жаңа есім» жобасына кіруге лайық деп ойлаймыз.Шет тілдері мамандығы бойынша ізденіс үстіндегі жас маман ғаламдық даму үрдісіндегі өз саласының артықшылықтарына тоқталған еді.


Есім ҚАСЫМҚАН,
С.Аманжолов атындағы ШҚМУ Тарих,
филология және халықаралық қатынастар факультетінің
4 курс студенті


Әлбетте, кез келген мемлекет, қоғам заман өзгерістеріне икемді бо­ла білуі керек. Әлем өз бетінше эволюция жолымен жүреді. Мұнда кері тартпалық болмайды. Бұл жағ­дайда жекелеген қоғамдар сол әлем эволюциясының ағымына икемделе алмаса, өз бетінше дамуға талпын­ба­са, ол қоғам өзіне қара­ғанда да­мы­ған қоғаммен жұтылып отырады. Сол үшін де бізге жастар­дың өрісі кең, жаңалықтарға, ашы­луларға құмар, білім-ғылымға тал­пыныс­тары жоғары болуы өте маңыз­­ды.
Мен тіл ғылымымен, оның іш­ін­­де шет тілімен айналысамын. Бү­гінде, әлемдік жаһандану зама­нын­да қоғам шетелмен, әсіресе да­­мы­ған елдердің қоғамымен бай­ла­ныс­қа шыға алуы керек. Олардың әрқайсысынан керегімізді, пай­далы­ны ала білуіміз әрі басқаларға өзі­мізде барды жеткізе алуымыз ма­ңыз­ды. Осы тұрғыда қоғамның би­лин­гвисттілігі, полилин­г­вист­тілігі арқасында әлемдегі өзгеріс­тер­ден бірінші хабардар болып, со­ған сай алдыңғылардың қатарын­да икем­деле алуымыз өзімізге өте пай­­далы. Бірнеше тіл білетін қоғам­ның өрісі кең, шекарасы бір емес, бірнеше мемлекеттерден асып тү­седі. Халық­тардың көпшілігімен қиындықсыз түсінісе алу, олардың бі­лім-ғылы­мымен, мәдениетімен өзара пайдалы байланысқа түсу мем­лекеттегі адами потенциалды кү­шейтеді. Адам потенциалы күшті, адам дамуының деңгейі жоғары, тұл­ғалық сана-сезімі жоғары адам­дары бар қоғам ешбір пайдалы қаз­баларсыз эко­но­микасын күшей­тіп, тек адамның ақылына сүйене күшті мемлекет құра алады.
Әрине, кез келген мемлекетте бел­гілі бір тіл доминантты болып келеді. Қазақстанда – ол қазақ тілі. За­ман талабына сай, қоғам ағыл­шын тілін де меңгергені тиімді. Қоғамы­мызда тіл үйренушілер одан да басқа білім-ғылымы дамыған Европа мен Шығыс Азия тілдерін үй­ренуге талпынып жатыр. Осы тұрғыда шет тілдері мамандық иелері оларды тілге үйретеді. Оларға қазіргі таңда аса өзекті халықаралық, ұлтаралық, мәдениетаралық ком­муникация жасауға көмектеседі. Себебі, шет тілдерінің мамандары тек тіл үйрету­ші ғана емес, сонымен қатар ол үйретіп жатқан тілде сөй­леушілер­дің мәдениетін, салт-дәс­түрін жетік білуі шарт.
Өз елімізге тарта айтар болсақ, соң­ғы уақытта мемлекет жүргізіп жат­қан үштілділік саясаты, қазақ ті­лін латын қарпіне аудару, мектеп­тердегі білім беруде ағылшын тіліне басымдық беру – барлығы шет тілдері мамандарымен жүргізіледі. Болашаққа аса маңызы зор осы жобалардың өзі шет тілі мамандығы­ның маңызын көрсетеді. Сонымен қатар, шет тілдері ғылымының маң­ызы шетелге қатысты кез келген істе көрінеді. Қарапайым импорт­тық сағыз шайырларының қапта­ма­сын­дағы жазуларды жазудан бас­тап әр елдің ірі бизнес іскер­ліктерімен байланысу мен сая­сат­тағы шетелмен қарым-қатынас, дип­ломатия істерін жүргізуге дейін шет тілдерінсіз жүзе­ге аспайды.Тіп­ті, өз тілімізді дамы­тып, оның лек­сикасын байыту да шет тіл­дері­нің арқасында жүргізіледі. Олар адам­затты біріктіреді, шека­ра­ларды жояды, алысты жақын етіп, әр түрлі мәдениет, қоғам, елдер ара­сындағы достық, татуластық қарым-қаты­нас­тарды нығайтып, өзара түсініс­тікті күшейтеді.

ПІКІРЛЕР1
Таңнұр 03.10.2017 | 11:06

Бұл пікірді мен де қолдаймын. Бұрында айтқанымдай тағыда айтар едім » Бір жастар бар ұлты үшін жанын беретін, шын ұлт жанашыры . Олар – ұлтты сақтаушылар, тек олардың көбі ауылда, оқымаған, көз аясы тар, шетте қалып қойған. Ал екінші жастар бар өте білімді, ақылды, дамыған, бірақ ҰЛТ деген ұғымнан ада, әрине олар мемлекетті дамытушы үлкен күш, бірақ қазақпын деген санадан жат. Егер осы екі ұстанымды қатар алып жүрсек ең мықты мемлекет пен ең сапалы ұлт болар едік. Әрине қазір біраз елдерде (Франция т.б) ұлт санасы жоғалып араласып кетіп жатыр (бәленің бәрі солардан) біз сондай заман туғанда ұлты сақталған санаулы елдің бірі болып қалуымыз керек. Мүмкін бұл стератип . бірақ мен қазақтың сақталып , әрі дамығанын қалаймын.

ПІКІР ҚОСУ

Ваш e-mail не будет опубликован.

Пікір