Республикалық жазғы мектеп
16.06.2017
1244
0

Жақында әл-Фараби атындағы ҚазҰУ-де жалпы және қолданбалы психология кафедрасы және психологиялық инновация мен технология Орталығының ұйымдастыруымен «Психологиялықшеберханалар: Денсаулық, білім беру және өндірістегі қолданбалы психология» атты I республика­лық Жазғы мектебі ашылды. Ашылу салтанатында Жалпы және қолданбалы психология кафедрасының меңгерушісі, профессор З.Б.Мадалиева сөз сөйлеп, аталмыш мектептің мақсат-міндеттерін көрсетіп, жоба жайлы толығырақ ақпарат берді.

Қазіргі заманғы Қазақстан –сан қырлы психологиялық қызмет көр­сету нарығы және оның аясы күн арт­қан сайын кеңейіп жаңғыртылуда. Осы­ған байланысты, еліміздің қазіргі даму жағдайы сұраныстарын қа­на­ғаттандыратын қолданбалы психологтар аса қажетті кәсіп түріне
айналып отыр. Сондықтан Жазғы пси­хо­логиялық мектептің ұсынған бағдарламасында қолданбалы пси­хологияның өзекті мәселелері қам­тылған. Мектеп оқушыларына пси­хологқа тән эмпатия, түсіну және кө­мектесу сияқты сипаттарды мең­геруге әрі сезінуге мүмкіндік бе­ріледі. Жалпы, Қазақстанда психолог­тарды кәсіби оқытуды ұйым­дас­тырудың жинақталған мол тәжірибесі бар – онкүндіктер, фестивальдар, интенсивтер, конференциялар, семинарлар және т.б. Енді, міне, осындай кә­сіби даму мен тұлғалық өсуге мүм­кіндік беретін форматтарға жазғы пси­хологиялық мектепті өткізу дәс­түрі қосылып отыр.
Психологиялық инновация мен технология Орталығының директоры, психология ғылымының док­торы, профессор Ф.С.Ташимованың ай­туынша, психология бойынша өт­кі­зіліп отырғантұңғыш Респуб­ли­ка­лық Жазғы мектептің мақсаты – адам­ның өмір барысында және кә­­сі­би іс-әрекетінде кездесетін түрлі қиын­­дықтарды жеңудің жаңа пси­хологиялық әдістері мен стра­тегия­лар­ды меңгеруге үйрету. Осыған орай, әлемдік психологияның қол­дан­балы аспектідегі жетістіктерімен танысу; өмірдің түрлі салаларында практикалық психологияның қазіргі заманғы технологияларын игеру; өмір қиындықтарын жеңуге бай­ла­ныс­ты психологиялық ғылым мен практи­каның қолданбалы аспек­тілерін талдау мен қорыту; кор­пора­тивтік мәдениет пен ынты­мақ­тас­тық психологиясын қа­лып­тастыру. Мектеп төмендегідей жұмыс түрлерін ұсынды: психологтардың шеберлік класстары; ауызша сөз сөйлеу (тал­қы­лау, пікір­талас, рефлек­сия); прак­­ти­калық сабақтар (тренингтер, тү­сін­діру, талдау және түзету стра­­тегиясы) мәселе­лерін де игеру көздел­ген.
Шараға еліміздің әр түпкірінен (Ас­тана, Қарағанды, Қостанай, Пет­ро­павл, Семей, Тараз және т.б) психо­логия саласында қызмет етіп жүрген мамандар мен жоғары оқу орындары­ның студенттері қатысты. Жазғы пси­­хол­огиялық мектеп аясындағы оқыту нәтижесі бойынша қатысу­шы­ларға біліктілікті арттыру туралы сер­тификаттар берілді.

А.Х.Аймағамбетова,
Ж.С.Сейітнұр.

ПІКІР ҚОСУ

Ваш адрес email не будет опубликован.

Пікір