Шәкен Айманов атындағы «Қазақфильм» киностудиясына Қытай киносы фестивалі және ШҰАА киносы күндері аясында Шыңжаң Ұйғыр автономиялық ауданы ақпарат, баспасөз және телерадио басқарма басшысы Уан Шычен бастаған бір топ қытай кинематографистері келді.

Қытай кинематографистерін «Қа­зақфильм» Эксперттік кеңе­сі­нің тең төрағасы Бекболат Шекеров және қазақ киносының мэтр­лері Асанәлі Әшімов, Сатыбалды Нарымбетов және де Қазақстан кинематографистері қарсы алды. Қытайдан келген қонақтарға киностудия аумағында экскурсия ж­асалып, «Қазақ хандығы» се­риа­лының декорациясы, түсірілім алаңдары, костюм қоймасы, тас­па-зертханалық кешені көрсетілді. Сондай-ақ, қонақтарға «Мұз­балақ» толық метражды анима­циялық фильмінің трейлері көр­сетілді. Экс­курсия соңынан «Дөң­гелек үстелде» бірлесіп, жұ­мыс жасау ту­ра­лы мәселелер кеңінен талқы­лан­ды.
– Тоғызыншы маусым күні Қы­тай баспасөз, кино, радио және те­лекөрсетілім мәселелері бойынша мемлекеттік әкімшілік пен Қа­зақстан Республикасы Мәде­ниет жә­не спорт министрлігі ара­сында кино өндірісі саласы бо­йынша Үкі­метаралық келісімге қол қойыл­­ды. Бұл құжат бойынша біз­дің мемлекеттердің кинема­то­г­рафистері бірлескен жобалар жасауға мүмкіндік алады. «Қа­зақ­фильм» киностудиясында «Ком­по­зитор» атты Қазақстан – Қытай бір­лескен жобасын іске қосылға­нын атап айтқым келеді. Бұл жоба екі ел кинематографистері ара­сын­дағы алтын көпір болады деп үміт­тенемін, – деді, «Қазақ­фильм­нің» Эксперттік кеңесінің тең тө­рағасы Бекболат Шекеров.
ШҰАА ақпарат, баспасөз және те­лерадио басқарма басшысы Уан Шычен: «Тарихы мол киностудия­ны көруге мүмкіндік бергендеріңіз үшін алғыс айтамыз. Және бірлес­кен жобалар туралы ұсыныс­та­рыңыз­ды қарастыруға дайын еке­­німізді атап өткім келеді».
«Дөңгелек үстел» барысында Қа­зақстан мен Қытай кине­ма­тог­ра­фия­сындағы мәселелер мен жетіс­тіктер талқыланды. Кинод­ра­матург Нұрлан Санжар қы­тай­лық әріптестеріне Жібек жолы ту­ралы жоба жасау жайындағы ұсы­­нысын айтты. Ұлты қазақ қы­тай­лық актер Данияр Толқын «Қа­­зақфильмнің» «Тұмар» кино­кар­тинасының кастингіне қатыс­ты.
Алматы қаласында Қытай ки­но фестивалі аясында «Kinopark 11 IMAX 3D» кинотеатрында ШҰАА киносы күндерінің салтанатты ашылу рәсімі 10 маусымда өтті. Іс-шараның негізгі мақсаты – кинематография саласындағы екі ел арасындағы екіжақты қарым-қатынастарды нығайту, сондай-ақ, қытайдың қазіргі киносымен қазақ көрермендерін таныстыру.
Алматыда өткен бұл іс-шараға Қытайдан үлкен делегация келді. Олардың ішінде ШҰАА ақпарат, баспасөз және телерадио басқарма басшысының орынбасары Лю Е, «Шыңжаң» киностудиясының басшысының орынбасары Мұрат Мәмет, продюсер Табыс Жақия, актерлер: Данияр Толқын, Құн­дыз-ай Таш, Абдукерім Аблиз, Діл­шат Барат және басқалар бар.
Шыңжаң кино күндері ашылуында «Ақшаның әлегі» кино­коме­диясы көрсетілді. Сондай ақ, іс-шара аясында «Арман асуы» (реж. Су Лей); «Гүлбике» және «Шы­найы махаббат» (реж. Шерзат Яқұб) кинокартиналары көр­се­тіледі.