Құрметті редакция! Үстіміздегі жы­лы сексен жасқа келуіме байланысты ҚР Жазушылар одағынан бастап, жер-жерден жолданған ақ тілек, жылы лебіз, құттықтау-марапаттар аз болған жоқ (әлі жалғасуда). Атап айтқанда, өткен жылғы желтоқсан айының үшінші онкүндігінің орта шенінде Жазушылар ода­ғының кафесінде үлкен-кіші бір қауым әріптестерге дастархан жайған Аман­тай қажы, профессорлар Жақсы­бай Қасымбеков, Өрісбек Шоманов бастаған жанашырлар; туған күніме (21 қаңтар) мақалалар жариялап, ілтипат көрсеткен мерзімдік басылымдар; от­басымызға келіп құттықтаған Алматы об­лыстық әкімінің орынбасары Жақ­сы­лық Омаров; өзі құрметті президент боп саналатын «Казгоракадемпроект» мекемесінде академик атағын берген Әбдісағит Тәтіғұлов; туған жер, атамекенде атап өткен Сарыағаш ауданының әкімі Қайрат Әбдуәлиев; ертеңіне мейрамханада екі жүз адамға дастархан жайған облыстық №6 аурухананың бас дәрігері, белгілі ұйымдастырушы-ға­лым Икрам Төлеев, зайыбы Шолпан Қа­ламбаева бастаған тума-туыс, ағайын-жекжат; Түркістан қаласына ша­қырып өз атынан шапан жауып, құт­тықтау папка ұсынған Оңтүстік Қазақ­стан облысының әкімі Жансейіт Түйме­баев; аса құзырлы, мерейлі медаль тақ­қан «Түрксой-дың» Бас хатшысы Дүй­сен Қасейінов, Сарыағаштағы аудан әкімшілігі өткізген мерекелік жиында Халықаралық «Алаш» әдеби сыйлығын тапсырған Жазушылар одағы Басқарма төрағасының орынбасары, көрнекті ақын Жанарбек Әшімжан, Жазушылар одағының Оңтүстік Қазақстан облысы филиалының директоры, белгілі ақын Бақытжан інім Алдияров; Астанадан ке­ліп құттықтаған жазушы Көпен Әмір­бе­ков; өзге де көп-көп тілектес, ниеттес ағайындар – барлығына; Жазушылар ода­ғына шын жүректен алғыс айтамын.

Зәкір АСАБАЕВ,
Қазақстан Жазушылар одағының мүшесі,
академик, ҚР мәдениет қайраткері,
Халықаралық «Алаш» әдеби сыйлығы,
«Түрксой», «Ерен еңбегі үшін» медальдарының иегері.