3-4 маусымда Қазақстан Республикасы Мемлекеттік Орталық музейі және «Бахыт» сәндік қолданбалы өнер орталығы бірлесіп «Жібек жолы» атты дәстүрлі Ортаазиялық көрме-жәрмеңкесін өткізеді.

Ортаазиялық қолөнер шеберлерінің шы­ғыстық сән-салтанатқа толы «Жібек жолы» көрме-жәр­меңкесі жыл сайын өткізіліп тұрады. Осы жолы көрме-жәрмеңкеге Қазақстанның әр аймағынан кел­ген халық шеберлері және Тәжікстан, Қыр­ғыз­стан, Түркменстан, Өзбекстан, Ресей, Грузия ел­дерінің 80-нен астам шеберлері қатысады. Көрмеге сый­лыққа арналған заттар, кәдесый, зергерлік бұйым­дар, киім-кешек, сазды аспаптар, шығыс миниатюрасы мен кілемдері, киізден және жібек ма­талардан жасалған бұйымдар, тоқыма және шам­шырақтар, бойтұмарлар мен былғары бұйым­дар қойылады.
4 маусымда «Жібек жолы» атты ортаазиялық көрме-жәрмеңкесі аясында «Халықаралық бала­лар­ды қорғау күні» мейрамына орайластырылған «Алтын-Көл» балаларды қамқорлыққа алу мен аналарды қорғау қайырымдылық қорының балаларына арналған «Жаз – 2017» қайырымдылық шарасы өткізіледі.
Көрме-жәрмеңкеге кіру ақылы.

Көрме-жәрмеңкенің жұмыс орны мен уақыты: Мемлекеттік Орталық музей («Самал-1»
ықшамау­даны, 44 үй), 3-4 маусым, 2017 ж.,
сағ 9.00-ден 18.00-ге дейін.