Мұңымды да, сырымды да саған айтам…
21.04.2017
1511
0

Тарихы тоқсан жылдан аса уақытты артқа тастаған Алматыдағы ең байырғы мектеп №12  Ш.Уәлиханов атындағы мамандандырылған гимназияда ақын, Қазақстанның еңбек сіңірген қайраткері, Қазақстан Жазушылар одағы басқарма төрағасының орынбасары Маралтай Райымбекұлымен кездесу өтті.

«Мұңымды да, сырымды да саған айтам…» атты әдеби кешке осы мектеп директоры, педагогика ғылымының кандидаты, ҚР Білім беру ісінің үздігі Рахима Бөлек­бай­қызы,  ҚР мәдениет қайраткері, әнші-композитор Қадырғали Көбентай, дәстүрлі әнші Саят Нұрғазин, мектеп ұстаздары мен оқу­шы­лар қа­тысты. Кездесудің алғашқы бөлімінде оқу­шылар Маралтай Райымбек­ұлына арналған елге танымал ақындардың өлеңін оқыды. Кездесу қарсаңында ақын­ның шы­ғар­машылығымен терең танысқан 11 сынып оқушылары «Бір өлең» айдарымен  өздеріне ұнаған өлеңдерін оқыса, енді бірі ақын өлең­дерінен алған  әсерімен бөлісті.   Шә­кірт­тер өз пікірлерімен ғана бөлісіп қой­май, Маралтай ақынның шығарма­шы­лығы туралы Қазақстанның халық жазушылары Шерхан Мұртаза, Тұманбай Молдағалиев, Фариза Оңғарсынова, халық әртісі Асанәлі Әшімов, әде­биетші-ғалым Бақытжан Майтанов,  Мемлекеттік сыйлықтың лауреаты,  ҚЖО Басқарма төрағасы Нұрлан Оразалин, көрнекті ақын, Мемлекеттік сый­лық­тың лау­реаты Темірхан Медетбек сынды қалам­гер­лердің пікірлерін ауық-ауық айтып отыр­ды. Жас­өс­пірімдердің ақынға қойған сұрақтары да ерек. Оны кінәмшілдігінен шы­найылығы басым Маралтай ақынның  сұрақ­тардың кейбіріне жауап бергенде тосылып қалғанынан, болмаса «Мұның жауабын біл­медім», – деп шын ние­тімен айтқанынан бай­қауға болады. Сондай фи­лософиялық сұрақтың  бірі – «Шын ақын 18 мың ға­лам­­ның тілін біледі», – деп­сіз. Осы­ны тарқатып айтып бе­ріңізші», – деген сұрақ еді. Оған ақын «Қара жолда келе жатқанда құ­мыр­с­қаны көріп, оны бас­пай ай­налып өтсеңіз, 18 мың ға­лам­ның тілін біл­геніңіз деп түсінем», – деп жауап берді. Оқушылардың ақын шы­ғармашы­лығына жіті мән бергенін белгілі сати­рик,  Халық­аралық «Алаш» әдеби сый­лығының лауреаты Көпен Әмір-Бектің «Ма­ралтайдың түсі» шығармасын шағын кө­рініс етіп көр­сеткенінен де байқадық.
Ақын мен оқушылар арасындағы сұх­батқа құ­рыл­ған кеш соңында Маралтай Райым­бекұлы осы кездесуге оқушыларды ыждаһатпен дайындаған  ұс­таздар мен мектеп директоры Рахима Бөлекбай­қы­зына зор алғыс айтып, «Ел ішінде көп кешім өтті, бү­гінгі кеш олардың барлығынан ерекше. Өйткені, жасөспірімдердің ықыласы мен ізденісі мені тол­қытты. Менің  анам Сармол­даева Дариға Ақмедия­қызы осы мектепте білім алған еді. Дәл қазір рисалат нұрына шомылып тұр­ған­дай әсердемін. Жан дүнием тазарып, ерек­­ше күй­ге бөлендім. Өз болмысымды ақ­та­рып, осындағы қауым­ға, маған көрсет­ке­ніңіз үшін, басымды иемін», – деп ағынан жа­рылды. Қасиетті қара шаңырақ Жазушылар одағы басқармасының атынан мектепке  Абай Құнанбайұлының бюстін сыйға тартты. Өз кезегінде мектеп директоры Рахима Бө­лек­­байқызы ақын шығарма­ларының ерек­ше­­лі­гіне тоқталып, ақынға сый-сияпат көрсетті.

ПІКІР ҚОСУ

Ваш адрес email не будет опубликован.

Пікір