Абай облысында жастардың шынығып, шымыр болуына, оларды отансүйгіштікке тәрбиелеуде атқарылып жатқан шаралар аз емес. Сондай игілікті шараның бірі – Шүлбі кентінде өткен «Алау» әскери-спорт­тық ойынының облыстық іріктеу финалы.

Әскери-спорт­тық ойынның фина­лына 70-тен астам мектеп оқушысы жина­лып, өз аудандық мектептерінің на­мы­сын қорғады. Семей, Аягөз қала­лары, Абай, Ақсуат, Бородулиха, Жарма, Көкпекті және Мақаншы ау­данда­рынан келген үздік командалар бақ сынасты.
«Алау» ойынының талаптары бойынша оқушылар саптық байқау, белтемірге тартылу (ұлдар үшін), арқамен жатып денені көтеру (қыздар үшін), автомат­ты жартылай бөлшектеу және жинау, шығармашылық конкурс және өз елді мекенінің тарихи тұлғасы туралы жобаны қорғаудан сынақтар өткізілді.
Екі күнге созылған «Алау» әскери-спорт­тық ойынының облыстық финалы кезе­ңінде жекелей және командалық есепте үздік нәтиже көрсеткен оқушылар мадақта­ма қағаздары және кубоктармен марапат­талды.
Еске салайық, «Алау» әскери-спорт­тық ойынының республикалық кезеңі 2025 жылдың маусым айында Қарағанды облысында өтетін болады.

Е. ҚАДЫРБАЙ