Дәнеш әнінің апталығы
22.04.2016
1238
0

13047921_218940378482214_2810114010678723803_oАлматы қаласында Қазақстан Республикасының халық әртісі Дәнеш Рақышевтың 90 жылдығына орай «Әнмен өрілген өмір» атты апталық өтті. Алматы әкімдігінің қолдауымен өткен бұл апталық Ж.Елебеков атындағы ән-күй және цирк колледжінде басталып, Ықылас атындағы музыка аспаптары көрмесінде қорытыланды.

7 сәуірде Т.Жүргенов атындағы Өнер ака­де­миясында өткен «Дөңгелек үстелді» ҚР ең­бек сіңірген әртісі, Өнер академиясының про­­­дю­сері, әйгілі әнші Рамазан Стамғазиев жүр­гізді. Оған Халықаралық «Алаш» әдеби сый­­лығының лау­реаты, ақын О.Асқар, ҚР еңбек сіңірген қай­­раткері жазушы Б.Нұржеке­ұлы, Дәнеш аға­­ның қызы Гүлнәр Рақышева, әншінің шә­кірттері – Ә.Қашаубаев атындағы конкурстың бас жүлдегері, әнші Нұржан Жан­пейісов, сазгер, күйші Алматы облыстық фи­лармонияның артисі Бақберген Асқарбеков, Ә.Қашаубаев атын­дағы конкурстың бас жүл­дегері Мырзахмет Мүкаманов, облыстық филармонияның ән­шілері Абылай Қармысов, Серікболсын Шы­набаев, ауылшаруашылық ғылымының док­торы Айбын Төлеханов қа­тысты. «Дөңгелек үстел­де» атақты әнші, сазгер Дәнеш аға жайында естеліктер айтылып, арасында өнерпаз аға­ның әндері де орындалды. Ұстаздар мен шә­кірттердің сұрақтарына жауап берілді. Соңы­нан академия және колледж ұстаздары мен шәкірттерінің орындауында екі сағатқа со­зылған үлкен концерт берілді. «Осал орын­дал­ған бір ән болған жоқ. Екі сағаттың қалай өт­кенін байқамай да қалдық», – десті қатысу­шылар.
Апталық 8 сәуірде Ықылас атындағы мұ­ра­жайда жалғасты. Ол арадағы мерекелік шеру­ді Дәнеш ағаның кенже шәкірті, әнші-ұс­таз Нұржан Жанпейісов жүргізді. Дәнештің өз әндері, ол орындаған әндер, халық әндері мен ха­лық композиторларының әндері мұнда да шыр­қалды. Нұржан Жанпейісов Дәнеш Рақы­шев­тің ұзақ жыл ұстаған домбырасын ортаға алып шықты. Ел-жұртын әнге бөлеген ағаның асыл серігі – ақ домбыра – сөйтіп, Ықылас атын­дағы мұражайдан мәңгі орын тепті.
Апталық соңынан қалалық әкімдіктің қыз­меткерлері мен білікті өнер, әдебиет қай­рат­керлері Дәнеш ағаның өлмес мұрасы жө­нін­де тебірене сөз етісті.
Әйгілі Әсет ақынның әндерін, Шығыс Түр­кістан қазақтарының халық әндерін, өз ән­дерін насихаттап, ел жүрегіне ұялатып өс­кен аяулы әнші ағаны еске алу апталығы Дә­неш әнімен басталып, Дәнеш әнімен аяқтал­ды.

Балжан Бейсенбек.

ПІКІР ҚОСУ