Ұлтының ұлы перзенті
![](https://qazaqadebieti.kz/wp-content/uploads/2024/05/IMG-20240430-WA0032-300x225.jpg)
Биыл ұлт мақтанышы, ғалым, Қазақ елінің қазына байлығын ашушы, Қазақстан Ұлттық ғылым академиясының негізін қалаушы әрі тұңғыш президенті, алғашқы академик Қаныш Имантайұлы Сәтбаевтың туғанына – 125 жыл.
![](https://qazaqadebieti.kz/wp-content/uploads/2024/05/IMG-20240430-WA0045-e1714719107689-300x272.jpg)
Қазақ өзінің тарихын жеке тұлғалары арқылы парықтауды дәстүрге айналдырғандықтан, бұл алдымен тарихты тануды білдірсе, екіншіден, адам сапасын – ұрпақ санасын шыңдауды нысана етеді. Ұлы тұлғалардың өнегелі өмірі, еңбек жолы бүгін мен болашаққа қызмет ететінін ескерсек, сол тұлғаларды лайықты деңгейде дәріптеуге ден қойып жүрген Алматы Орталықтандырылған кітапхана жүйесіне қарасты №20 кітапхананың қызметі ерен деп айтуға болады.
![](https://qazaqadebieti.kz/wp-content/uploads/2024/05/IMG-20240430-WA0040-182x300.jpg)
Лаура Мәулітшәріпқызы жетекшілік ететін руханият ордасы ұлттың, ұрпақтың мәдени-рухани деңгейінің артуына ерекше көңіл бөліп отырады. Жуырда аталмыш кітапхананың ұйымдастыруымен өткен «Ұлтының ұлы перзенті» атты ғылыми-танымдық конференция да сондай ұлы мақсатты көздеген игі істердің бірі болды.
![](https://qazaqadebieti.kz/wp-content/uploads/2024/05/20240424_110913-300x169.jpg)
Қ.Имантайұлының 125 жылдығына арналып №4 кітапхананың залында өткен кешке ҚР Ұлттық ғылым академиясының корреспондент-мүшесі, геология-минерология ғылымдарының докторы
![](https://qazaqadebieti.kz/wp-content/uploads/2024/05/IMG-20240430-WA0038-239x300.jpg)
Сейтмұратова Элеонора Юсупқызы, Қазақстан Республикасының Мәдениет министрлігі Тарихи-мәдени мұра басқармасының бастығы қызметін атқарған, бүгінде Сәтбаев мұражайының Достар клубының жетекшісі
![](https://qazaqadebieti.kz/wp-content/uploads/2024/05/IMG-20240430-WA0041-238x300.jpg)
Алтаев Базарбай Еркебайұлы, бірнеше жылдар Қ.Сәтбаев музейін басқарған, бүгінде бөлім меңгершісі, ҚР Мәдениет қайраткері
![](https://qazaqadebieti.kz/wp-content/uploads/2024/05/IMG-20240430-WA0035-235x300.jpg)
Айтмұхамбетова Бахытжамал Ахметқалиқызы қатысты. Әрқайсысы жастарға біртуар тұлғаның болмыс-бітімін аша отырып баяндап, сол бір күрделі кезеңнің бел ортасында жүре тұра Қазақ елінің болашағы үшін күресе білген қайраткерлігін, әділдігін, еңбекқорлығын суреттеп берді.
![](https://qazaqadebieti.kz/wp-content/uploads/2024/05/IMG-20240429-WA0014-225x300.jpg)
Ғалымның кәсіби және ғылыми өмір жолын баяндай отыра жастарға үлгі ете білді.
![](https://qazaqadebieti.kz/wp-content/uploads/2024/05/IMG-20240430-WA0044-186x300.jpg)
Кітапхана тарапынан ұйымдастырылған кітап және сурет көрмесі де конференцияның мән-маңызын аша түсті.
![](https://qazaqadebieti.kz/wp-content/uploads/2024/05/IMG-20240429-WA0015-225x300.jpg)
«Қарақат мектеп студиясы» өнерпаздары мен Құрманғазы атындағы Қазақ ұлттық консерваториясының магистранты Әсел Қыдырмұраттың орындауындағы әсем ән мен тәтті күй кеш шырайын арттырды.
![](https://qazaqadebieti.kz/wp-content/uploads/2024/05/IMG-20240430-WA0039-182x300.jpg)
Конференцияға модератор болған журналист, «Сенімен болашақ» РҚБ өкілі Меруерт Мәулетқызы
![](https://qazaqadebieti.kz/wp-content/uploads/2024/05/IMG-20240430-WA0042-239x300.jpg)
өз кезеңінде парасаттылық пен даналықтың, азаматтық ұстаным мен табандылықтың үлгісін көрсете білген Қаныш атамыздың ізімен жүретін жастардың көп болуын тіледі.
![](https://qazaqadebieti.kz/wp-content/uploads/2024/05/IMG-20240430-WA0037-e1714721227378-300x286.jpg)
Iс-шара соңында Лаура Мәулітшәріпқызы баршасына алғысын білдіріп, қонақтарға сый-сияпат көрсетті.
Маржан НҰРДАН