Алматы облысы, Жамбыл ауданының №4 Қарғалы орта мектебінде қазақтың белгілі жазушысы, Қазақстанның еңбек сіңірген қайраткері Нағашыбек Қапалбекұлы атындағы конференц-залдың ашылуына арналған салтанатты жиын өтті.

Іс-шараға жазушы Нағашыбек Қапалбекұлының өзі және республика­ның түкпір-түкпірінен келген қалма­гер­лер, ғалымдар, қоғам қайраткерлері қатысты.
Қарғалы ауылының тұрғындары жазушының достары мен әріптестерін жылы қарсы алды. Олардың ішінде көрнекті мемлекет қайраткері, генерал-полковник Сәт Тоқпақбаев, драматург Серік Асылбеков, ақын Дүкен Мәсімхан, прозашы Сәуле Досжанова, «Ана тілі» газетінің бас редакторы, ақын Ерлан Жүніс, ҚР ҰҒА академиктері Ханкелді Әбжанов пен Берекет Кәрібаев, про­фес­сорлар Қансейіт Әбдезұлы, Тахир Балық­баев, Алмасбек Мәуленов, Ал­маты облыстық мәслихатының депутат­тары Ләззат Тұрлашев, Дәулет Жарас­баев және Меруерт Молдашева және т.б. болды.
Акт залында жазушы және қоғам қайраткерінің әдеби кеші өтті, кештің ашылуында Қазақстан Жазушылар Одағы төрағасының бірінші орынбасары, жазушы Нұржан Қуантайұлы, белгілі публицист Күмісжан Байжан және Жамбыл ауданы әкімінің орынбасары Ақниет Тұматаев сөз сөйледі. Сондай-ақ жазушының «Миллионер» атты жаңа кітабының тұсаукесері өтті.
Нағашыбек Қапалбекұлының мектеп оқушыларымен ашық диалогі қонақтарға зор әсер қалдырды. Жазушы өзінің балалық шағы, жасөспірім кезі туралы, ата-анасы жайында айтып, оқушылардың сұрақтарына жауап берді.
Прозашы өзінің кітаптарының бірнеше жүз данасын мектеп кітап­ха­на­сы­на сыйға тартты, сонымен бірге мем­лекеттік наградаларын мектепке сақтауға тапсырды.
Өз тілшімізден