Жолдау –  бұл Президенттің халықпен қарым-қатынасының ерекше форматы. Жолдауда алдағы өзгерістердің маңызы көрсетілген. Үкімет пен Парламенттің алдына әділетті Қазақстанның экономикасын түзету бойынша мақсаттар мен міндеттер қойылды. Барлық бастамалар егжей-тегжейлі есептеулер мен зерттеулерге негізделіп жасалған.

Бүгін Мемлекет басшысы қоғамның сұраныстарына жанашырлықпен қарайтынын тағы да көрсетті. Мәселен,  атом электр станцияларын салу және өскелең ұрпақтың мүдделері мен қауіпсіздігін қорғау, басқа да маңызды тақырыптар бойынша жалпыұлттық референдум өткізу сияқты шешімдерінен көрініс табады.

Биыл Парламент палаталарының бірлескен отырысына Мәжіліс және Сенат депутаттары, орталық мемлекеттік органдардың басшылары, адам құқықтары жөніндегі комиссия, әйелдер істері және отбасылық-демографиялық саясат жөніндегі ұлттық комиссия мүшелерімен қатар еңбек  ұжымдарының өкілдері қатысты. Президент осылай мемлекет өміріне қоғамның барлық өкілдері араласу керектігін жеткізді.

Экономика мәселелерін шешумен және саяси, мемлекеттік құрылымды қайта құрумен тиісті министрліктер мен ведомстволардың мамандары айналысады. Біздің міндетіміз – ұлттың берік жаңа сапасын қалыптастыру бойынша жұмыс жасау. Қазақстан Жазушылар одағы отандық әдебиетті дамыту, ақындар мен жазушыларды қолдау, олардың шығармашылығын өсіру және кітап шығару бойынша бірқатар жобалар әзірледі.

Біз өскелең ұрпақтың оқуға деген қызығушылығын дамытуға ерекше назар аудардық. Қазақ әдебиетіне деген сүйіспеншілікті ояту үшін мектептерде жүйелі түрде «әдеби сағаттарды» өткізуді ұсынамыз. Жазушылар мен ақындар балаларды шығармашылық үдеріспен, идея іздеумен таныстырады, біздің танымал және жаңа бастаған авторларымыздың өмірі мен шығармашылығы туралы әңгімелейді.

Басты мақсат балаларды – отансүйгіштікке, білімділікке, еңбекқорлыққа, тәртіпке, жауапкершілікке, әділдікке, үнемшілдікке және жауаптылыққа тәрбиелеу.  Осы маңызды қасиеттерді әдебиетшілердің еңбектері арқылы тұлғаның бойына сіңіру керек.

Бұл туралы бүгін Мемлекет басшысы, азаматтар, әсіресе жастар, ең жақсы қасиеттерді қамтуы тиіс – бұдан қоғам құндылықтарының біртұтас жүйесі қалыптасып отырғанын атап айтты.

Президент әділетті Қазақстанды құру үшін тек саяси және экономикалық реформалар жеткіліксіз екенін атап өтті. Біріншіден, азаматтардың қоғамдық санасы мен көзқарасын өзгерту қажет, онсыз қалған барлық жұмыс бекер болары анық. Бұл Абайдың «Толық адам» туралы ілімінен бастау алатын  «Адал азамат» тұжырымдамасының терең мағынасы.

Біздің әрқайсымыз ата-бабаларымыздың баға жетпес мұрасы – туған жерімізді қорғау мен өркендетуді қамтамасыз ету туралы үндеуге жауап беруіміз керек. Бұл біздің қасиетті міндетіміз. Ортақ мақсатқа жету үшін қолдан келгеннің бәрін жасап, елімізді мықты әрі табысты ету үшін әркім өзіне үлкен жауапкершілік артуы керек.

https://t.me/zhazushylar_odagy