Таяуда «Назарбаев зияткерлік мектебінің» робот техникасын жасаумен айналысатын физика-математикалық бағыт бойынша білім алатын Виктор Хегай есімді оқушысы көзі нашар көретін адамдар үшін көмекші робот құрастырды.
Ол мұны көзі нашар көретін адамдарға кө­мек­ ретінде жасағанын айтады. «Басында жетелеуші ит түрінде көмекші робот жасаған дұрыс па деп ойладым. Кейін Интернетте адамдардың жаз­ған пікірінен кейін ондай өнертабыстың кемшіліктері болатынын ұқтым. Ит төмпешіктен өте алады, ал адамдар сүрініп кетуі мүм­кін. Таяқ та сенімсіз. Ол аяқ­тың астында бірдеңе барын білуге көмектеседі, бірақ баспен құлап кету қаупі бар. Сондықтан бір блоктан, екі сенсордан тұратын шағын, мобильді аппарат жасауды шештім. Блокты белге байлап қоюға болады. Бір сенсорды аяқ­қа немесе таяққа, басқасын – бас киімге, кө­зіл­дірікке, қолғапқа бекітуге болады. Ол ке­дер­гіге кездескенде ультра дыбыс шығарады, қыс­қа уақытқа кері қайтып, дыбыстық ескерту белгісін береді. Сенсор дыбыстары әр түрлі. Робот дайын болған кезде біз оны интернатқа балаларға байқап көруге бердік. Олар өте ­жо­ғары ­бағалады. Жақсарту жағынан өз ұсыныстарын білдірді, олар робот­тың сәл кішірек болғанын қалайды», – дейді.