Тәуелсіздікке тарту
24.10.2015
1135
0
937216_2104357355_Treiler_2__0-00-07-14_Жуырда Алматының Ұлттық баспасөз клубында «САҚ» кино-студиясы «Қазақ елі» атты толықметражды анимациялық фильмінің жұмыс барысына арналған баспасөз мәслихатын өткізді. Туынды Мәдениет және спорт министрлігінің тапсырысы бойынша жасалған-ды. Бұған дейін «Қошқар мен теке», «Момын мен қарақшылар», «Толағай», «Маймақ қаз», «Мұңлық-Зарлық», «Сапа олимпиадасы», «Қанатты барыс туралы аңыз», «Алтын балық туралы», «Операция Ш», «Жаңа жылдық қалыңдық», «Қазақстан бренді», «Томпақ телехикаясы» секілді мультфильмдермен танылған «САҚ» киностудиясының сыншы, сарапшылардан алған «кішкентай Дисней» деген бейресми аты бар екен.

«САҚ» киностудиясы түсіріп жатқан «Қа­зақ елі» тарихи мультфильмі Тәуел­сіз­дік күніне орай көрсетілуге жоспарланып отыр екен. Туынды Керей мен Жәнібектің ба­ла кезінен бастап, есейіп, ержетіп, ел бас­қарып, Қазақ хандығын құрғанға дейін­­гі аралықты қамтиды. «Фильмнің мақ­саты – балалардың өз тарихын тү­сі­нуі­не, Керей мен Жәнібектей қаһар­ман­дар­дың Қазақ хандығын қалай құрғанын бі­ліп, соларға еліктеуге, өз елінің патриоты болып өсуіне жол ашу», – дейді мульт­фи­льм режиссері Батырхан Дәурен­бе­ков. Фильм барысында Жәнібек пен Керейдің ұстазы Қарт батырдың оларға садақ ату, қы­лыштасу, атпен шабу секілді жауын­гер­лік өнердің түрлі тәсілдерін үйрететін тұ­сы кеңінен көрсетіледі. Кейін ел басқару­да білімнің де маңызы зор екенін ұс­та­­зынан ұғынған Керей мен Жәнібектің Отырар қа­ласына аттануы, Отырар кітапханасын ара­лап, ғұлама ұстаздардан түрлі дәріс­тер алып, елге оралғанда түрлі ерлік­тері­мен көзге түсе бастауы қамтылған. «Ба­ла­лардың қызығушылығын арттыру мақ­сатында фильмде тарихи тұлғалардың ба­ла кездерінен бастарынан өткен қы­зық­ты оқиғалары көрсетіледі. Олардың тай үйретеміз деп қалай қарақшыларға тап болғаны, Қарт батырдың көмегімен қа­рақшыларды жеңіп шығуы балаларға бір жағынан абай болуды меңзесе, екінші жа­ғынан езу тартары сөзсіз. Фильм ба­ры­сында қазақ жерінің әсем табиғаты, сол замандағы Жібек жолы бойында ор­на­ласқан Сауран, Отырар, Сығанақ сияқ­ты ірі қалалар, хан сарайлары көрсетіледі. Сонымен қатар, кішкентай көрерменде­рі­міз Астананың бүгінгі көркін тамашалай алады», – деді фильмнің әдеби кеңес­шісі жазу­шы, драматург Дулат Исабеков. Бас­пасөз мәслихатына туынды сцена­рис­ті Сағиділдә Үсіпәлиев, фильм директоры Нұриддин Паттеев, продюсері Сә­бит Әбді­халықовтар қатысып, өз ойларын ор­таға салды. «Қазақ елі» туындысы кө­рер­­мендерімізге Тәуелсіздік мерекесі қар­­саңында жақсы бір тарту болғалы тұр!..

ПІКІР ҚОСУ