Жыл басында ғана Канн фестивалінде, ал өткен аптада Түркияның Анталия қаласында өткен кинобайқауда үздіктер қатарынан көрінген «Айка» фильмін алда айтулы бәйге күтіп тұр. Режиссер Сергей Дворцевойдың көпке мәлім боп үлгерген бұл картинасы енді «Оскар» сыйлығы үміткерлерінің тізіміне енді.

Байқаудың ресми сайтында жарияланғандай, «Ай­ка» кинотуындысы ресейлік Константин Хабенскийдің дебюттік «Собибор», Беларусь кино өнімі – Дарья Жуктың «Хрусталь», украиндық Сер­гей Лозницаның «Донбасс» және қытай ре­жис­сері Цзян Вэняның «Құпия адам» («Hidden Man»)
фи­льмдерімен бірге «Үздік шетелдік фильм» аталымы бойын­ша сынға түспек. Жеңімпаз фильмнің атауы 2019 жылдың 24 ақпанында өтетін кезекті «Оскар» сыйлығын табыстау рәсіміне арналған салтанатты жиын­да жария етіледі. Айта кетер тағы бір жағымды жа­ңалық, күні кеше ғана Түркияда өткен 55-інші халықаралық кино­фести­вальде «Айка» фильмін-дегі рөлі үшін қазақстандық актриса Самал Еслямо­ва «Үздік актриса» атанды.