Қазақстан Республикасының Президенті Н.Назарбаевтың Қазақстан халқына жолдауының ЖЕТІНШІ қадамы жастар арасындағы жұмыссыздықты төмендету және өнімді жұмыспен қамтуды дамытудың шеңберінде «EDTECH» Халықаралық білім беру орталығы, Алматы қаласы білім беру басқармасы және Алматы қаласы Орталықтандырылған кітапхана жүйесі бірлесіп «Мамандық таңдау марафоны» атты инновациялық әлеуметтік жобасын жүзеге асырды.
Дүниежүзінде 15-24 жас ара­лы­ғын­дағы 75 миллионға жуық жастар жұ­мыссыз. ҚР «Атамекен» ҰҚП мә­лі­меті бойынша елімізде жыл сайын 354 мың оқушы мектеп бітіреді. Мек­теп бітіргеннен соң арнайы орта білім бе­ретін және жоғары оқу орнына оқуға бармайтын жастардың саны – 21 мың.
Қоғамдағы әлеуметтік, саяси, эко­­­номикалық жағдайдың төмендеуі мамандардың да салғырттығынан. Оған жастардың мамандық таңдауда қателесетін жағдайларды қосыңыз. Қа­рым-қабілетін, қызығушылығын, бел­гілі бір мамандыққа деген өз бойын­дағы ерекшеліктерін айыра алма­ғандықтан, асығыс шешім қа­был­дау және таңдауды көп жағдайда өзі жасамағанының соңы – жас­тар­дың жеке басына ғана емес, мем­ле­кет­ке, қоғамға кері әсер ететіні анық.
«Мамандық таңдау марафоны» – инновациялық әлеуметтік жоба. Төрт кезеңнен тұратын жобаның алға қой­ған мақсаты оқушыларының маман­дықты дұрыс таңдауына кәсіби бағдар беру.
Бірінші кезеңінде үш жүзге жуық мек­теп мұғалімдері мен психологтары кә­сіптік бағдар берудің жаңа түрлері мен нәтиже беретін тәсілдері туралы курстан, желтоқсан айында қалам­мыз­дағы төрт жарым мыңға жуық мек­теп бітіруші түлектер онлайн тү­рін­де кәсіби диагностикадан өтті.
Марафонның үшінші кезеңінде, 27-28 ақпан күндері «Мамандық таң­дау марафоны» деген тақырыппен фо­рум ұйымдастырылды. Форумға 8000-нан аса мектеп оқушылары, Ал­матыдағы төрт профильді оқу ор­ны қатысты. Шара барысында бас­па­сөз конференциясы ұйымдас­тыры­лып, жобаның аясында жарыққа шық­қан «Мамандық таңдау кілті» ат­ты тренер-кітаптың таныстыры­лы­мы болды. Баспасөз конферен­ция­сына жобаның негізгі үйлестірушісі – «EDTECH» Халықаралық білім беру орталығының директоры Ғани Бектайұлы, Алматы қаласы әкімінің кеңесшісі Ахетов Мамай Кеңесұлы, Алматы қаласы Орталықтандырылған кі­тапхана жүйесінің өкілі Ғазиза Құ­дайберген қатысты. Жобаның маңыз­дылығы, қажеттілігі және күті­ле­тін нәтиже туралы айтылды.
Форум барысында ірі оқу орын­дарының жәрмеңкесі ұйым­дас­тыры­лып, эксклюзивті презентациялар жа­салып, әр мамандықтың қыр-сы­ры туралы толықтай мәлімет бе­ріл­ді.
Жобаның төртінші кезеңі жоғары оқу орындарындағы ашық есік күн­дерімен жалғасатын болады.
Күтілетін нәтиже: Кәсіби бағдар бере­тін мамандардың көбеюі, мектеп бітірушілерге мамандығын саналы түрде таңдауға кәсіби бағдар беру, жоғары оқу орындарының кон­тин­ген­тін жақсарту, жалпы қоғамдағы адам капиталының сапасын жақ­сар­ту.