Анкара қаласындағы Еуразия Жазушылар қауымдастығының ұйымдастыруымен драматургия саласы бойынша өткен Қорқыт ата атындағы халықаралық байқауда Қазақстанның еңбек сіңірген қайраткері, жазушы Ахметжан Ашири жеңімпаз атанды. Шараның қолдаушысы – Түркия Республикасы Мәдениет және туризм министрлігі.

Еуразия Жазушылар қауым­дас­ты­ғы­ның төрағасы, жазушы Якуп Ома­­роғ­лы­ның айтуынша, іріктеу ко­­мис­сия­сы­на түркітілдес мем­ле­кет­­терден 48 өтініш ке­ліп түскен. Бар­лық жұмыстардың жан-жақты с­аралануы нәтижесінде, жерлесіміз Ах­метжан Ашири «Шарбақ» пье­са­сымен І орын ие­леніп, жеңімпаз ата­­нып отыр. ІІ орын­ға түрік дра­ма­тургі Лүтфи Шах­сува­роғлы «Тұғрыл Бей­дің түсі», ІІІ орынға әзірбайжан жазу­шысы Первин Нұралиеваның «Асып өтер Арасты» туын­дысы лайық деп табылды. Түркі­мен жазу­шы­сы Оғулмая Семи­за­денің «Ұлы тау­лардың әні» атты драмасы төр­тін­ші орынға тұрақтаған.
«Байқауға ұсынған еңбегім Ел­ба­сы Нұрсұлтан Назарбаевтың «Бо­ла­шаққа бағдар: рухани жаңғыру» ма­қаласындағы тапсырмаларға сәй­кес келеді. Туған ауыл, өскен жерді қа­дірлеуге, көркейтуге шақырады. Бір кездері «келешегі жоқ ауыл­дар» де­ген шешіммен шағын елді­ме­кен­дерді бір-біріне қосу жұмыстары жүр­­гізілді. Сол уақытта үдере көшкен жұрт­­тың соңында жалғыз кемпір еш­қай­да кетпей, бір ауылдың шы­рақшысы бо­лып, түтінін түтетіп қа­лады. Халық қай­тып келеді деген үміт­пен өмір сүре­ді, түнде келсе, ада­сып кетпесін деп шы­рақ жағып, ауыл­дың отын сөндір­меу­ге тыры­са­ды. Бірақ оқиға соңында еш­кім су іш­кен жеріне қайтып орал­май­ды, кейуананың қабірі ғана шо­шайып қа­лады… Мақсатым – халықтар ара-сын­дағы мызғымас достықты на­сихаттау. Түркітілдес елдер арасында осын­дай әдеби байланыс болуы ке­рек. Ақиқатқа тура қарап, осы шы­ғар­мам­ның дәрежесін дұрыс ба­ға­лағаны үшін қоғам қайраткері, жазу­шы Якуп бей Ома­роғлыға, ко­мис­сия мүшелеріне үл­кен алғыс ай­тамын. Қазақстанның Түр­киядағы ел­шілігіне, ТҮРКСОЙ ұйы­мына ри­зашылығым шексіз. Бірер жыл бұ­рын «Идукут» романым түрік тілін­­де жарық көргенде төбем көкке жет­­кендей болып еді. Енді пьесам ха­лықаралық байқауда бас жүлде ал­ды, Қа­зақстанымды шетелге та­нытқаным үшін өзім де шексіз ба­қыт­тымын», – дей­ді жазушы Ахмет­жан Ашири.

Шырын Сарымбетова.