Тыңдадық тамаша айтқан өлеңіңді,
Көрдік біз қайталанбас өнеріңді.
Бүгінде «Таңшолпаннан» сағынамыз,
Қал қалай, «Қазақ елі» сәлеміңді.

Өмірде сирек туған дарын болдың,
Жас кезде жалындадың, жасын болдың.
Руслан Бөлебай есіміңмен,
Бүкіл ел – жалпақ жұртқа мәлім болдың!

Руслан бәріменен бауыр болды,
Жүрегі – ата-анасы ауыл болды.
Әбсаттар мен Әмина үшін орны толмас,
Бұл қаза бәрімізге ауыр болды.

Шиелі топырағы киелі ғой,
Жер-Ана да емшегін иеді ғой.
Русланның рухын ардақтасақ,
Алланың шапағаты тиеді ғой.