Елбасы қабылдады
25.08.2017
741
0

Сәрсенбі күні Елбасы Нұрсұлтан Назарбаев ҚР Ақпарат және коммуникациялар министрі Дәурен Абаевты қабылдады. Бұл кездесуде Д.Абаев Ел Президентінің министрлікке жүктеген жұмыстарының қорытындысы туралы баяндады. Елбасы мемлекет саясатын жүргізу барысында сапалы ақ­па­раттық қызметтің маңызды екенін атап өтті.
Д.Абаев ақпарат саласын­да­ғы «100 жаңа есім» бағдарла­масы аясында жасалып жатқан жұмыстар жайын айта келіп: «Қа­зір біз барлық мүдделі
тар­ап­­тармен бағдарламаның жобасын талқылап жатырмыз. «Цифр­лы Қазақстан» бағдарла­ма­сы жұмыстың төрт негізгі ба­ғытын қарастырады. Олар – инфрақұрылымды дамыту, адам капиталын жақсарту, экономика салаларын цифрландыру және мемлекеттік қызметтер көрсету жүйесін жетілдіру», – деді. Елбасы: «Қазір ақпарат құралдарының алдында тұрған ең басты мәселелер индустрия­лық-инновациялық бағдарла­маның орындалуы. Біздің негізгі баспасөз құрал­дары­ның, теле-радионың арнайы бағдарламасы болуы керек. Ал екінші, ин­фрострук­­туралық құрылым – «Нұрлы жол» бағдарламасы. Үшінші модернизация. Оның ішінде «100 нақты қадам». Рухани жаңғыру біздің ұлттық идеологиямызды қалыптастыру жо­лын­­дағы ең маңызды мәселе. Осы бағдарламада көрсетілген бағыттар бойынша барлық ведомстволар, министрліктер және аймақтар үйлесімді жұмыс жасауы керек», – деді.
Қазақстан Президенті кездесу соңында Ақпарат және ком­муникациялар министрі Д.Абаевқа бірқатар нақты тапсырмалар берді.

ПІКІР ҚОСУ

Ваш e-mail не будет опубликован.

Пікір