Әлем мойындаған атақты суретші Пабло Пикассоның көрмесі Елорданың 20 жылдық мерейтойына орай Астана қаласында өтіп жатыр. Бұған дейін көп жарыққа шыға қоймаған түрлі туындылар ҚР Ұлттық музейінде көпшілік назарына ұсынылды. ҚР Мәдениет және спорт министрлігі ұйымдастырған шара қараша айының үшіне дейін жалғасады. Түрлі экспонаттар қойылған экспозиция «Пабло Пикассо. Валлористік Селестина мен керамика» деп аталады. Кубизм кескіндемесінің негізін қалаған қылқалам шеберінің туындылары мазмұндылығымен байлығымен ерекше.