ТАЛПЫНҒАНҒА ЖҰМЫС БАР
26.08.2016
1406
0

47E6C9EB-C26D-4781-B0FF-6393A62CDE5A_cx0_cy9_cw0_w987_r1_s_r1Елбасы Нұрсұлтан Назарбаев «Жалпыға Ортақ Еңбек Қоғамына қарай 20 қадам» атты бағдарламалық мақаласында әркімнің еңбек етуіне жағдай жасау мәселесін тиянақтап, Үкіметке нақты тапсырмалар берген болатын. Мемлекет басшысының тапсырмасын орындау мақсатында қабылданған «Жұмыспен қамту жол картасы – 2020» бағдарламасының халыққа берер шарапаты мол.  Еңбек адамына мұндай жағдай әлемді қаржылық дағдарыс шарпып тұрған сәтте ешбір елде жасалынған емес. Бұл жөнінде талай биік мінбелерден аузы дуалы азаматтар және шетел сарапшылары сан мәрте айтты. Өңірлерде жүзеге асырылып жатқан бағдарламалардың негізгі мақсаты да еңбек адамына қолдау көрсету.

Оңтүстік Қазақстан облысын­да «Жұмыспен қамту жол кар­тасы – 2020» бағдарламасы шеңберiнде 51 млрд. теңге игерiлiп, 190 мың­нан астам азаматқа әлеуметтiк қол­дау көрсетiлсе, биыл 57 мың адам­ды қамту көзделген. Тұр­ғын­дар өздерi тұратын ша­ғын ау­дандар мен елдi мекендердiң инф­рақұрылымын жақсарту шараларына тартылуда. Бүгiнде 83 нысанның құрылысына 722 адам жұмыспен қамту органдары ар­қылы жолданды. Мүгедектерге, тұр­мысы төмен отбасыларға мем­лекеттiк жәрдемақылар берiлуде. Облыстық жұмыспен қамтуды үйлестiру және әлеуметтiк бағ­дарламалар басқармасының бас­шы­сы Әсия Темiрбаеваның мә­лімдеуінше, қазiр өңiрде кедейлiк шегiнен төмен өмiр сүретiн 930 адам бар. Жұмыссыздар саны
5 пайыздан жоғары. Жыл соңына дейiн жұмыссыздар саны төмен­дейдi деп жоспарланып отыр. Өт­кен жылдан бастап Елбасының «100 нақты қадам» бағдарламасы аясында «Өрлеу» жобасы енгiзiл­ген болатын. Оған республикалық бюджеттен 186,1 млн. теңге қарал­ды. Биыл жыл басынан берi 7 ай iшiнде 675 отбасыға немесе 4121 адам­­ға 156,3 млн. теңге көлемiнде шарт­ты ақшалай көмек тағайын­дал­ды. Еңбекке жарамды тұрғын­дар тек жәрдемақы алып қана қоймай, еңбекке араласып, та­быс­тарын молайтты. 2011-2015 жылдар аралығында 36054 жаңа жұ­мыс орны ашылып, 14619 адам жұ­мысқа орналасқан. Жалпы, Тәуел­сiздiк алған 25 жыл iшiнде об­лыс тұрғындарының саны едәуiр артып, 2,8 миллионнан ас­ты. Сонымен қатар, осы уақыт ара­лығында облыста 402 мың жаңа жұмыс орындары құрылған. Нәтижесінде, жұмыспен қамтыл­ған халықтың саны 60%-ға өсіп, жұ­мыссыздық  деңгейі 14,3 па­йыз­­дан 5,2 пайызға дейін төменде­ген.

Өңір тұрғындарының еңбек етіп, тұрмысын жақсартуға ауыл шаруашылығы өнiмдерiн қайта өң­деумен айналысатын 198 кә­сi­п­орын да мүмкіндік жасап отыр. Оның 27-сi iрi, 171-i орта және ша­ғын кәсiпорын санатында. Өтк­ен жылы өндiрiлген еттiң – 18 пайызы, сүттiң – 26,8, көкөнiс пен жемiс-жидектердiң 14,2 пайызы өңделген. Қазiргi таңда жұ­мыс iстеп тұрған көкөнiс өңдейтiн 36 кәсiпорын жылына 107600 тон­на өнiмдi өңдеуге қауқарлы. Был­тыр 135,5 мың тонна жемiс-жидек пен көкөнiс өңдеуден өткен. Өт­кен жылы облыс бойынша жемiс-жи­дек және көкөнiс өңдеу кәсi­п­орындарына 10 миллион теңге ин­вестициялық субсидия төле­нiптi. Бұл орайда, әр ауданның мүмкіндіктері мен басым бағыт­тары ескерілген. Мысалы, таулы аудандардағы елдi мекендерде бау шаруашылығын дамыту тиiмдi. Сондықтан биыл Қазығұрт ауданында 1800 гектарға жаңғақ, 300 гек­тарға алма ағаштары отыр­ғызылды. Түлкiбас және Төле би ау­дандарында 1200 гектарға алма бауы егiлдi. Түлкiбаста жемiс-жи­дек өңдейтiн 2 цех iске қосылған. Индустриалды аймаққа қосымша 4 жоба орналастырылмақ. Жалпы, осы аудандарда бау және қай­та өңдеу кластерi құрылатын бола­ды. Сондай-ақ, Төле би ауда­­­нындағы «Фудмастер» зауытының қосымша 20 мың тонна сүт қабыл­дауға мүмкіндігі бар. Түлкiбас­тық­тар да сүт өңдеуге ден қойып жа­тыр. Қазығұртта сүт ұнтақ­та­рын өндiруге арналған жоба ма­құлданған. Олар жаңа технологиямен жабдықталған зауытты iске қоспақ. Сайрам ауданы да бұл саланы дамытуды көздеп отырса, Мақтааралда мақта шаруашы­лығы қайта қолға алынды. Қазiр қолда бар мақтаның 30 пайызын жер­гiлiктi тоқыма фабрикалары алу­да. Биыл 2,5-3 миллиард теңге мақ­та шаруашылығына бағыт­та­ла­ды. Су, техника, тұқымдық шит мәселелерi де рет-ретiмен ше­шiмiн таппақ. Ал Шардара, Отырар аудандары мен Түркiстан, Арыс қалалары жүгерi мен көкөнiс өсiруге қолайлы. Сондықтан осы аймақтарда жаңадан 80 мың гектар жер айналымға қосылады. 20 мың гектардан астам жердiң су жүйе­лерi жаңғыртылады. Мал азы­ғына деген сұранысты өтеу мақ­сатында Отырар ауданында қо­сымша жүгерi өңдеу және сақ­тау зауыты салынады. Дайын өнiм­­дердi нарыққа шығару үшін Шым­кент қаласында көлiк-ло­гис­тикалық орталығының құры­лысы жүрiп жатыр. Осындай ор­талық Түркiстан, Сарыағаш қа­лаларында да бой көтермек. Облыс әкімдігі баспасөз қызме­ті­нің мәліметінше, 2016-2020 жыл­дар аралығында Мақтаарал, Қа­зығұрт, Ордабасы, Сайрам, Түл­кiбас, Сарыағаш аудандары мен Арыс, Түркiстан қалаларында да жемiс-жидек және көкөнiс ал­қаптарының көлемiн арттыру жос­парланған.

Сондай-ақ, облыс бойынша жы­лына 39000 тонна ет өңдей ала­тын 47 кәсiпорын бар. Мал шаруашылығын дамытудың 2014-2016 жылдарға арналған бағдар­ламасына сәйкес, 149136 iрi қараға арналған 6103 мал бордақылау алаңы iске қосылды. Осылайша ет өңдеу кәсiпорындарының қуат­тылығы қосымша 8141 тон­наға артты. Биыл Бәйдiбек ауданы индустриалды аймағында жо­ба­сы мақұлданған қуаттылығы 20 мың тоннаны құрайтын ет комбинаты iске қосылғанда жаңа жұ­мыс орындары ашылып, ха­лық­тың етке деген сұранысы то­лық қанағаттандырылады. Облыс бойынша 2016-2020 жылдар ара­лығында сойыс салмағында ет өн­дiрудi жылына 208 мың тоннадан 228 мың тоннаға дейiн арттыру жоспарлануда. Осы жылдары, яғни 2016-2020 жылдар аралы­ғын­да сүт өндiру көлемiн жылына 739 мың тоннадан 832 мың тон­наға дейiн арттыру жоспарланып отыр. Бүгiнде облыста жылына 130100 тоннаға дейiн сүт өңдейтiн зауыттар жұмыс iстейдi. Сүт өң­деу кәсiпорындарының қуат­ты­лығы қосымша 8995 тоннаға арт­қан. Созақ, Отырар, Шардара ау­дандары түйе өсiруге қолайлы. Бұл орайда, Отырар ауданында түйе сүтiн өңдейтiн цех жұмыс iс­теп тұр. Ал Түркiстан индуст­риал­ды аймағында түйе сүтiн өң­деу зауытын салу көзделуде. Со­зақ, Отырар аудандары мен Арыс, Түркiстан қалаларынан түйе сүтiн жинайтын пункттер ашыл­мақ. Ауыл шаруашылық өнім­дерін өңдеу бағытындағы осын­дай жобаларды жүзеге асыру арқылы жергілікті тұрғындарды жұ­мыспен қамту көзделіп отыр.

Елбасы Н.Назарбаевтың «Қа­зақ­станның әлеуметтік жаңғыр­тылуы: жалпыға ортақ еңбек қа­дамына қарай 20 қадам» атты бағдарламалық мақаласы жұ­мыс­пен қамту орталықтарына да жаңа міндеттер жүктегені мәлім. Сондай-ақ, Тәуелсіз Қа­зақстанда әлеуметтік мемлекеттің берік ір­гетасы қалануында Елбасының жыл сайынғы Жолдауларының алар орны ерекше. Егемен еліміз­дің тұрақты дамуын қамтитын, мем­лекетіміздің барлық саласына серпін беретін, халқымыздың игілігін көздейтін шынайы іс – жос­парға құрылған шын мәнін­дегі тарихи құжат шеңберінде Үкі­метке  жүктелген әрбір тап­сыр­­маның ел үшін тағдырлық маңы­зы бар. Қазақстан халқының жә­не билігінің алдындағы ше­шілу­ге тиісті мақсат-міндеттер, жос­парлар мен шаралар жүзеге асы­рылуымен де құнды. Яғни, елі­міздің өңірлерінде атқарылып жат­қан нәтижелі жұмыстар Елбасы бастамаларымен, Жолдауларымен тікелей байланысты. Сон­дай-ақ, Мемлекет басшысы «Ұлт жоспары – қазақстандық ар­манға бастайтын жол» атты ма­қаласында Жалпыға Ортақ Еңбек Қоғамы идеясын табанды түрде өмірге енгізу қажеттігін атап өтті. «Қаржыландыру көлемін арттыра отырып, Жұмыспен қамтудың жол картасы өзекті етіле түседі. Оның бағдарламаларына қатысу еңбекке қабілетті халыққа қысқа мерзімді қайта даярлау курстарынан өтуге, өзінің біліктілігін арт­тыру­ға, шағын несие алуға мүм­кін­дік береді. Сонымен бірге, Жа­һан­­дық  дағдарыстың ағым­да­ғы ықпалына байланысты объек­тив­ті қиындықтарды ең­серуге жағ­дай жасайды», делінген Ел­басының «Ұлт жоспары – қазақ­­стандық арманға бастайтын жол» мақаласында. Яғни аудан, қала­ларда шағын және орта бизнестің дамуы, жаңа кәсіп­орындардың ашылуы мен жергі­лікті тұрғын­дардың тұрақты жұ­мыспен қам­тылуы маңызды құжаттан бастау алған бағдар­ла­малардың орындалу барысының көрінісі.

Мысалы, 258,7 мың халқы бар Түркістан қаласында экономи­ка­лық тұрғыдан белсенді 93,6 мың адамның 4751-і жұмыссыз. Жалпы жұмыссыздық деңгейі 5,1 па­йыз болып отыр. Осы көр­сет­кіш­ті азайту мақсатында нақты бағ­дарламалар аясында жұмыстар жүр­гізілуде. Атап айтсақ, «Жұ­мыс­пен қамту жол картасы – 2020» бағ­дарламасының 1 бағыты шең­берінде 3 жобаны жүзеге асыру үшін республикалық бюджеттен 132,1 млн.тенге, ал жергілікті бюд­­­жеттен 146, 7 млн. теңге бө­лін­ген. Жо­баны іске асыру барысында 49 жұмыс орындарының ашылуы көзделген. Алғашқы жар­тыжыл­дықта жұмыспен қам­ту жос­пар­ланған 25 адамның 20-сы жолдан­ған. Ал ауылды жер­лер мен тірек ауыл­дарында кәсіп­керлікті дамыту арқылы жұмыс орындарын құру көзделген бағ­дарламаның 2 бағыты бойынша 2016 жылы 176 азаматты 582,8 млн.теңгеге шағын несиелендіру жұмыстары жоспарланып отыр. Кәсіпкерлік негіз­деріне 61 азамат оқып, сертификат алған. 2016 жылдың 1-ші маусымына дейін «Ауыл шаруашылық қаржылай қолдау қоры» есебінен 89 азаматқа 245,9 млн. теңге ша­ғын несие берілді. 89 азаматтың іші­нен 29-ы өз ісін ашуға, қалған 60 азамат өз ісін кеңейтуге қар­жылан­ды­рылған. Қосымша 41 жаңа жұмыс орны жұмыспен қамту орталығы арқылы ашылды. Сондай-ақ, бағдарламаның 3 ба­ғыты бойынша 521 нысаналы  топ­тағы  азаматтар 115 мекемеге әлеу­меттік жұ­мыс­қа жолданды, тұ­рақты жұ­мыспен 21 адам қам­тылса, 357 адам 91 мекемеге жас­тар практикасына  жолданыпты. 1207 адам (бос жұмыс орындарына 683 адам, жаңа жұмыс орындарына 524 адам) тұрақты жұмысқа орналасып, тапсырма 154,1 пайыз­­ға орын­­далған. 40 адам қай­­та даярлау курсына жібері­ліп­ті.

Жұмыссыздықты жоюда кә­сіп­керлік саласының алар орны ерекше. Бұл салада Түркістан қа­ласында 14905 бірлік шағын және орта бизнес субъектілері жұмыс істеуде. Жұмыспен қамтылған адам саны 33953 болып, 4,9 пайыз­ға, өнім көлемі 29840,7 млн. теңге­ні құрап, 4,7 пайызға артты. «Жұ­мыспен қамту жол картасы – 2020» бағдарламасы аясында 289 азамат даярлау курстарынан өткен. Бұл орайда, «Максимум» АИО арқы­лы алғашқы жартыжылдықта 113 жо­ба 279,5 млн.теңгеге, «Ауыл­шаруа­шылығын қаржылай қолдау қоры» АҚ-ы арқылы 89 жоба 245,9 млн. теңгеге қаржы­лан­ды­рылды. Қаланың жалпы өңірлік өнімі 29840,7 млн. теңге болып, өткен жыл­дың бірінші жар­ты­жыл­ды­ғымен салыстырғанда, 4,7 пайызға артқан. Оның ішінде өнеркәсіп саласына 13,6 пайыз (4942,7 млн.теңге), ауылшаруа­шы­лық саласына 26,2 пайыз (7809,3 млн.тең­ге), орындалған құ­ры­лыс жұ­мыс­тарының көлемі 13,6 пайыз (4069,2 млн.теңге), тауар айналымы және қызметтерді өткізу көлеміне 46,6 пайызы (13889,5 млн.теңге) тиесі­лі. Ха­лық­тың жан басына шақ­қан­дағы ЖӨӨ 115,3 мың теңге бо­лып отыр.

Елбасы Нұрсұлтан Назарбаев Қазақстан халқына арнаған Жолдауында Индустриалды-инно­вациялық бағдарлама елімізді да­мыған бәсекеге қабілетті ел­дердің қатарына қосатындығын айт­қан болатын. Бағдарлама ая­сын­да ел экономикасының ши­кізаттық емес секторын кем дегенде 45 пайызға арттыру, өңдеу өнер­кәсібінің еңбек өнімділігін екі есеге ұлғайту, сондай-ақ, жалпы ішкі өнімнің энергия сыйым­дылығын 45 пайызға дейін төмен­дету көзделгені белгілі. Осының арқасында халқымыздың өмір сүру ұзақтығын арттыру, табысы төмен әлеуметтік топтардың санын азайту және жұмыссыздық дең­гейін 5 пайызға дейін төмен­дету жоспарланды. Бұл орайда, Түркістан қаласында Үдемелі ин­дустриалды-инновациялық даму бағдарламасы аясында жалпы құ­ны 2866,0 млн.теңгеге 13 жоба ен­гізілді. Оларда 663 жұмыс орын ашу көзделген. Осыдан құны 2293,0 млн.теңге болатын 12 жоба іске қосылып, 519 жұмыс орны ашыл­ды, оларда 420,6 млн.теңге­нің өнімі өндіріліп, жалпы өнер­кәсіп өнімі көлеміндегі үлесі 10,4 пайызды құрады. 2016 жылы ин­­дустриалды-инновациялық даму бағдарламасының индус­трия­лан­дыру картасына 18664,4 млн.тең­геге 7 жоба енгізу жоспарланып отыр. Ағымдағы жылы 5 жоба іске қосылып, оларда 197 жаңа жұмыс орны ашылады, толық қуатында жұмыс істе­генде 3574,0 млн.тең­генің өнімі өндіріледі. 2017 жылы 2 жоба іске қосылып, 120 жұмыс орны ашылады, 9953,0 млн.теңге­нің өнімі өндіріледі.

Аталмыш жоғарғы техноло­гиялық өнімдер өндіретін жаңа инвестициялық жобаларды тарту және жобалардың жүзеге асырылуы қаланың экономикасына қо­сымша инвестициялар көлемін тартуға мүмкіндік беріп, жаңа жұ­мыс орындарының ашылуын және бюджетке түсетін салықтық төлемдердің өсуіне өз әсерін ти­гізері анық. Ал қаладағы индус­триалды аймақта (40 га.) 847,0 млн. теңгеге инфрақұрылым жүйе­лері жүргізілген. Жалпы ай­мақ­та 7 168,7 млн.теңгеге 13 жоба, 559 жұ­мыс орны құрылады. Қала әкім­дігі баспасөз қызметінің мә­ліметіне сүйенсек, бүгінгі таңға 3 кәсіпорын мемлекеттік қабыл­даудан өтіп («Түркістан трасса», «Азрет жол құрылыс», «Kadiris»), 98 жұмыс орны ашылған, 410 млн. теңге инвестиция тартылды. Сон­дай-ақ, 2016 жылы индустриалды аймақтан жоба құны 916,4 млн.теңге болатын, 227 жаңа жұ­мыс орындарымен қамтамасыз ететін 5 жоба іске қосылады деп жос­парлануда.

Қаланың әлеуметтік-эконо­ми­калық дамуына ауыл шаруа­шы­лығы саласының қосар үлесі мол. Ауылшаруашылығы саласында 7809,3 млн. теңгенің өнімі өндірілген. Оның ішінде, мал шаруа­шылығының үлесі 7572,1 млн.теңгені, егін шаруашылығы 229,0 млн.теңгені құрап отыр. Түр­кістанда өндірілген бақшаның 156330 тоннасы, жеміс-жидектің 9118 тоннасы, жүзімнің 12191 тон­насы, көкөністің 91061 тоннасы, жал­пы шамамен 6,0 млрд. тең­ге­нің өнімдері солтүстік облыс­тар­ға, Ресейге жөнелтіледі. «Сы­ба­ға», «Құлан», «Алтын асық» бағ­­­­­­дар­ламалары жоспарға сай жү­зеге асырылуда. Алғашқы жартыжыл­дық­та 177 бірлік шағын мал бор­дақылау алаңдары ашылып, 230 адам жұмыспен қамтыл­ған. Биыл 40 шағын жанұялық сүт аулалары ашылып, оларда 220-дан астам ауыл тұрғындары еңбек етуде. Ша­ға ауылдық округінен жоба­лық құны 130,0 млн. теңгені құ­рай­тын тәулігіне 15 тонна құрама жем дайындайтын цех іске қо­сылып, жұмыс істеуде. Толық қуат­тылығында жұмыс істеген жағ­дайда өңірдің құрама жемге де­ген қажеттілігін қамтамасыз ете алады. Мал тұ­қымын асылдандыру бойынша қалада 6 асыл тұқымды қой ша­руашылығы бар. Оларда 16945 асыл тұқымды уақ мал, сонымен бірге, асыл тұқымды 3109 ірі қара мал өсірілуде. Осы арада айта кете­лік, қалада құс шаруа­шы­лы­ғын дамытуға ден қойылуда. Мысалы, Түркістан қаласына қа­расты Оранғай ауылында «Яссы құс» шаруа қожа­лығы соңғы үлгідегі технологиялармен жаб­дықталған құс шаруа­­шылығын дамытуды қолға ала бастады. Негізінен, тауық еті мен жұмыртқа өндіру көзделген. Бүгінгі таңда шаруа қожалығы өндірген жұ­мыртқа мен тауық етіне жергілікті нарықта жоғары сұранысқа ие болып отыр. Ақпан айында ашыл­ған «Яссы құс» шаруа қожа­лығында 50 мыңға жуық тауық бағылады. «Ломан лс классик» тауығы мен «бройлер» балапандарын өсіруді қолға алған кәсіп­орын заманауи құрылғы­лармен жабдықталған. Бүгінде тәулігіне 5 мыңға жуық жұмыртқа алынуда. Алдағы айларда күнде мұндағы жұмыртқаға бағытталған 21 мың тауықтан осынша көлемде жұ­мыртқа алу межеленіп отыр. Ай­та кетерлігі, тауықтардың к­үті­мі айрықша. Жем-су ретінде кү­­ніне 4 рет отандық өнімдерден әзір­ленген құрамажемдер бері­леді. Құстар жабық режимде ұста­лады. Ал балапан кезінен бастап бас-аяғы 40 күн ішінде 3 келіге дейін ет беретін «бройлер» тауы­ғының өнімі алдағы уақытта өңір­­ге өзге елден экспортталатын тауық еттерінің орнын алмастыр­мақ.

Жалпы, Түркістанда алдағы 3 жылда жайылым жерлерді суландыру мақсатында қосымша 46 бірлік құдық қаздырылып, 64 мал қора салынбақ. Сонымен қатар, 472 бірлік мал бордақылау алаң­дары мен етті, сүтті бағыттағы 3000 басқа арналған мал борда­қылау кешендерін салу және 2 бірлік ет, 4 сүт өңдеу цехтарын іс­ке қосу жоспарлануда. Мал басын асылдандыру мақсатында «Сыбаға», «Құлан», «Алтын асық» бағдарламалары және жұртшылық табынға асыл тұқымды бұқалар алу бойынша біршама нәтижелі жұмыстар жүргізілмек. Атап айт­қанда, «Сыбаға» бағдарламасы бойын­ша мал саны 6220-ға, «Алтын асық» бағдарламасы бойынша 5400-ге, «Құлан» бағдарламасы бойынша 300-ге артатын болады. Ал­дағы 2 жылда жанұялық сүт ау­лаларын 150 бірлікке жеткізу жос­парлануда.

Осы арада айта кетелік, апта басында Түркістан қаласында бол­ған Премьер-Министр К.Мә­сімовке Ауыл шаруашылығы министрінің бірінші орынбасары Қ.Айтуғанов ауыл тұрғындары­ның  жұмыспен  тиімді  қам­тыл­уын қамтамасыз ету және жеке қо­салқы шаруашылықтардың әлеуетін пайдалану арқылы АӨК өнімдерінің көлемін арттыру шаралары туралы баяндаған бо­ла­тын. Бірінші вице-министр ауыл шаруашылығы кооператив­терін дамыту үшін «Жұмыспен қам­ту – 2020 жол картасы» бағдар­ламасы аясында 11,5 млрд. теңге қарастырылғанын атап өтті. Сон­дай-ақ, құрылатын ауыл шаруа­шылығы кооперативтерін қар­жыландыруға «ҚазАгро» ҰБХ» АҚ қаражаты есебінен 7,3 млрд. тең­ге көлемінде қаражат көздел­ген. Осы бастаманың аясында рес­­публикалық ауқымды айтпа­ған­да, тек Оңтүстік Қазақстан және Жамбыл облыстары бойынша жыл соңына дейін 26 сүт қа­былдау пункті, 782 жуық отбасы­лық бордақылау алаңын құру жоспарланған. Өз кезегінде, бұлар ауылдық округтер ауқымындағы ауыл шаруашылығы кооператив­теріне біріктірілетін болады. Бү­гін­де Оңтүстік Қазақстанда мық­ты азық-түліктік кешеннің негізі қа­ланған. Яғни үш жылда борда­қы­лау алаңдары 8 мыңға, отба­сы­лық сүт фермалары 2 мыңға же­тіп, олардан 68 мың тонна сүт, 63 мың тонна ет өндірілді және де ең бастысы, 27 кооперация құры­лып, 12 488 тұрақты жұмыс орны ашыл­ды. Енді, әбден пісіп-жетіл­ген, кәсіп ашудан бөлек, ауылдың әлеуметтік ахуалын түзеуге ба­ғыт­талған бірден-бір тиімді жоба бүкіл Қазақстанға жол тартып отыр.

Қ.Айтуғановтың хабарлауынша, ағымдағы жылдың басынан бастап «Ауыл шаруашылығын қаржылай қолдау қоры» арқылы ел аумағындағы жеке қосалқы шаруашылықтар базасында ұсақ тауарлы өндірісті дамытуға 10,8 млрд. теңге көлемінде қара­жат бө­лінген. Қаржылан­дырыл­ған өті­­німдердің саны 4,4 мыңға жуық. Алдын ала болжам бойынша, аталған шаралар 2,5 жылда 190 мыңға жуық жеке қосалқы шаруа­шылықты қамтып, 67 мың­нан астам тұрақты жұмыс ор­нының ашылуына септігін тигізуі тиіс. Бұл қосымша 380 мың тоннадан астам сүт өңделіп, 100 мың тонна ет өндіріледі және 32 мың адам жеке кәсіпкерге айналуға мүмкіндік  алады деген сөз. Вице-министрдің айтуынша, қазіргі уақытта барлық жұмыстарды жүйелендіру үшін Ауыл шаруа­шылығы, Денсаулық сақтау және әлеуметтік даму министрліктері және облыс әкімдіктері арасында үшжақты іс-шаралар жоспарларына қол қойылған. Министрлік барлық өңірлерге шығып, ауыл тұрғындары арасында ұсынылып отырған шаралардың басым­ды­лығын, ұйымдастырылатын ауыл шаруашылығы кооперативтерінің оңтайлы жақтарын және ауыл шаруашылығын мемлекет тарапынан қолдау бағыттары бойынша түсіндірме жұмыстарын жүр­гізетін арнайы жұмыс тобын құ­рып­ты. Сондай-ақ, ауыл тұр­ғын­­дарын жұмыспен қамту меха­низмдерін жүзеге асыру бойынша аудандық және ауылдық әкім­дерді жүйелік негізде оқыту жүр­гізілмек. Ал «Жұмыспен қамту жол картасы–2020» бағдарламасы аясында жеке қосалқы шаруа­шылықтар базасында ұсақ тауарлы өндірісті дамытуға 3-6 млн. теңгелік несиелер қарастырылған. Атап айтқанда, «Ауыл шаруашы­лы­ғын қаржылай қолдау қоры» ар­қылы шағын мал бордақылау алаң­дары мен сүт қабылдау бекет­терін қаржыландыру мақсатында арнайы «Береке» және «Бірлік» несиелеу бағдарламаларын жүзеге асыру басталды.

Диас НҰРКЕНҰЛЫ.
Оңтүстік Қазақстан облысы.

 

ПІКІР ҚОСУ

Ваш адрес email не будет опубликован.

Пікір