ҚАЗАҚ ЖӘНЕ НЕМІС МӘДЕНИ БАЙЛАНЫСТАРЫ
20.05.2016
936
0

45120 (2)Академик Е.А.Бөкетов атындағы Қарағанды мемлекеттік университетінде «Қарағанды облысында неміс тілін дамыту» тақырыбында халықаралық конференция өтті. Ғылыми конференцияны Германия тәжірибе алмасу академиялық қызметінің (DAAD) қолдауымен «Видергебурт» неміс орталығы» Қарағанды облыстық қоғамы және ҚарМУ шет тілдер факультеті бірлесіп ұйымдастырды.

Конференция жұмысына Германия Фе­деративтік Республикасының Қазақ­стан Республикасындағы Төтенше және өкі­летті Елшісінің орынбасары Джонни Кра­мер, «Возрождение» Қазақстан неміс­тері қоғамдық бірлестіктері қауымдас­ты­ғы­ның» төрағасы Александр Дедерер, Қа­рағанды облысы білім басқармасы мен Қа­рағанды қаласы білім бөлімінің қыз­меткерлері, Қарағанды облысы әкімі «Қо­ғамдық  келісім» коммуналдық  мемлекет­тік ме­кемесінің өкілдері, Қарағанды қаласы не­міс тілі орталығының жетекшісі, Гете инс­титутының серіктесі Светлана Горбачёва, Германия тәжірибе алмасу акаде­мия­лық қызметінің лекторы (DAAD) Ште­фан Кель, «Видергебурт» неміс ор­та­лы­ғы» Қарағанды облыстық қоғамының мү­шелері, ҚарМУ әкімшілігі мен оқы­ту­шы­лар құрамы, облыстағы колледждер мен мектептерінде неміс тілі оқытатын мұ­­ға­лімдер және студенттер қатысты.

Джонни Крамер Германия – Қазақ­стан­­ның экономика жағынан ғана емес, со­нымен бірге, ғылым, мәдениет және оқу-ағар­ту саласындағы ірі серіктестерінің бірі еке­нін атап өтті: «Қарағанды өңірінде не­міс тілін үйренуге қызығушылықтың азай­­­ма­ғаны мені ерекше қуантады. Себебі, жалпы тіл үйрену әрбір азаматтың болаша­ғын­да жаңа мүмкіндер ашатыны белгілі», – деді ол өз сөзінде. Д.Крамер өз сөзінде неміс тілін үйрену көрсеткішінің күрт тө­мендеуі – миграциялық процеске тікелей бай­ланысты екенін айтады. 1990 жылдары Қарағанды облысында 1 миллионнан аса немістер тұрса, соңғы жылдары бұл көр­сеткіш 180 мыңға азайған. Соған қарамас­тан, Астана, Павлодар, Қостанай және Қа­­­рағанды қалаларында неміс тілін оқы­татын 16 мектеп жұмыс істейді. Болашақта осындай мектептерді Шымкент және
Петропавл шаһарларында салу көзделуде.

Неміс тілін оқытудың маңыздылығы Қа­рағанды мемлекеттік университеті шет тілдері факультетінің оқытушыларын да ма­залайды. Бүгінгі күні университет қа­быр­ғасында 64 мамандыққа неміс тілі оқы­талады, жалпы саны 221 студент неміс ті­лін оқып жүр.

«Соңғы кезде, өкінішке қарай, неміс тілін меңгеретін студенттер санын қалып­ты деңгейге жеткізе алмай келеміз. Бұған мектеп қабырғасында неміс тіліне деген сұраныстың төмендегенін және ағылшын тілінің басымдық алуымен түсіндіре аламыз», – дейді Еуропа және Шығыс тілдері кафедрасының жетекшісі, педагогика ғы­лым­дарының кандидаты, доцент, РАЕ про­фессоры Гүлназ Тілеужанова.

«Возрождение» Қазақстан немістері қо­ғамдық бірлестіктері қауым­дастығы­ның» төрағасы Александр Дедерер өз ойын: «Қазақстан мен Германия арасын­дағы серіктестікте неміс тілінің қажеттілігі жо­ғары. Саяси және экономикалық әріп­тестікте ғана емес, қоғамдық қарым-қа­тынасты дамытуда мәні ерекше», – деп жет­кізді.

Конференция барысында неміс тілін оқытудың қазіргі жағдайы мен оны келешекте дамытудың   жолдары қарастырылып, сарапшылар пікір алмасты. Сондай-ақ, Қа­рағанды облысы бойынша неміс тілін оқы­тудың мән-маңызын арттыратын ұсы­ныстар талқыланды.

Айтылған пікірлердің бір жағы тіл үй­ренудің болашағы мен мүмкіндігіне ба­ғытталса, екінші жағы облыстағы жоғары және орта кәсіби білім беру орындары мен мектептердегі тіл үйренудің қажеттілігін арт­тыруды көздеді.

ПІКІР ҚОСУ