Абай атындағы ҚазҰПУ жанындағы «8D023 – Тілдер және әдебиет – (6D021300/8D02314 – «Лингвистика» мамандығы) даярлау бағытындағы Диссертациялық кеңесте Жанар Оралханқызы «Т.Ахметжан шығармаларындағы «Ар» концептісінің тілдік-танымдық сипаты» тақырыбындағы докторлық диссертациясын сәт­ті қорғап шықты. Зерт­теу жұмысында жазушы Т.Ахметжан шығармаларындағы «Ар» концептісі алғаш рет жан-жақты, ғылыми тұрғыдан талданды.

Еліміздің рухани құндылықтарын зерт­теу, оның тілдегі көрінісі мен қазақ болмысындағы маңызы мен мәнін концепт ұғымы арқылы зерделеу көбіне көркем шығарма тілін сараптаудан айқын аңғарылады. Адамзатқа тән рухани байлықты, әсіресе ар, ұят, мораль құндылықтарын өз туындыларының басты нысаны етіп алған белгілі қаламгер, танымал жазушы Т.Ахметжан шығармаларының алатын орны ерекше. Әсіресе адамның ішкі рухани дүниесін психологиялық, философиялық, әлеумет­тік ой-тұжырыммен бейнелі де көркем сурет­теу жазушы қолтаңбасына тән шығармашылық ерекшелікті көрсетеді. Сол себепті бүкіл қазақ баласын, жас буыннан бастап интеллигенцияға де­йін өз туындыларына арқау еткен, әдебиет пен мәдениет­ті үндес ұғымдар деп есептеген, жанр жағынан әр салада көркемдік деңгейге көтерілген жазушы шығармаларын «Ар» концептісі негізінде зерт­теп-тану ғылыми жұмыстың басты нысаны болды.
Жазушы Т.Ахметжан шығармаларында қазақ ұлтының «Ар» түсінігі әлеумет­тік мәселелер тұрғысынан сипат­талып, халықтың, елдің ұлт­тық таным-түсінігін аша түседі. Әр ұлт­тың концептосферасында ұлт­тық ерекшеліктердің атқарар қызметі әртүрлі, сондықтан «Ар» концептісін Т.Ахметжан шығармаларымен сабақтастыра зерт­теудің маңыздылығы жоғары.
Диссертацияда жазушы шығармаларындағы «Ар» концептісінің әлеумет­тік нормалары анықталып, тұлға қалыптастырудағы маңыздылығы көрсетілді.

Арай ДАЛ,
Абылай хан атындағы ҚазХҚ және ӘТУ
журналистика мамандығының 1-курс студенті