Жыр оқылып, сыр ақтарылған кеш
13.11.2023
78
1

6 қараша күні Қазақ Ұлт­тық қыздар педагогикалық университетінің 80 жылдық мерейтойы қарсаңында университетіміздің «Қазақ тілі және әдебиеті» мамандығының бітіруші түлектері, 4 курс студент­тері және филология ғылымдарының докторы, қазақ әдебиеті кафедрасының профессоры Гауһар Саяділқызының ұйымдастыруымен Қазақстанның еңбек сіңірген қайраткері, Қазақстан жастар одағы және халықаралық «Алаш» әдеби сыйлығының лауреаты, көрнекті ақын Қасымхан
Бегмановпен кездесу өт­ті.
Кездесу барысында ақынның өлеңдеріне талдау жасалып, поэзиядағы әдеби компонент­терді студент­тер жарыса талқылады. Ақын туындыларындағы этнографиялық сарын мен отбасылық құндылықтарға, сағыныш сезіміне, жалғыздық пен жатсыну мәселесіне ұлт­тық таным, ұлт­тық рух тұрғысынан үңіле ой қозғады. Қасымхан Бегманов өз өлеңдерінің осындай әдеби тұрғыда, көркемдік компонент­терге негізделе талданғанын алғаш рет бақылап, байқап отырғанын айтып, өз ілтипатын білдірді. Кеш барысында факультетіміздің 3 курс студент­терінің орындауында қаламгердің сөзіне жазылған «Ол көктем оралмайды» әні шырқалды. Сонымен қатар кеш қонағына университетіміздің ақын қыздарының жүрекжарды арнау шумақтары оқылып, студент­тер тарапынан қызықты сұрақтар қойылды. Өлеңдерінің шығу тарихынан бастап, кімге арналғанына дейін ақтарыла айтқан шайырдың әсерлі әңгімелері студент­терімізді рухани тұрғыда байыта түсті деген сенімдеміз. Кеш соңында студент­терге естелік ретінде ақынның «Көкжиек» ат­ты жыр жинағы табысталды.

Аяулым АЛМАСҚЫЗЫ,
«Қазақ тілі және әдебиеті» мамандығының 4 курс студенті

ПІКІРЛЕР1
Аноним 18.11.2023 | 14:41

😍👍🏻😌

ПІКІР ҚОСУ

Ваш адрес email не будет опубликован.

Пікір