Филология ғылымдарының докторы, профессор Алпысбай Мұсаевтың Австрия астанасы Вена қаласында «Word about the poet Zharaskan Abdrashev» («Аралдан ұшқан ақсұңқар») атты монографиясы басылып шықты.

Ғалымның бұл зерттеу еңбегінде қазақ поэзиясының ірі тұлғаларының бірі Жарасқан Әбдірашевтің өлең, поэмаларының көркемдік сипаты, шеберлік қырлары талданады. Ақынның лирикалық кейіпкерлер әлемінің өзіндік ерекшеліктері, ұлттық рух, ұлттық дәстүр, ұлттық психология, суреткерлік шеберлік мәселелері зерттеу көзі ретінде қарастырылып отыр.