NIS құрамасы бесінші рет еліміздің ең үздік олимпиадалық командасы деп танылды
29.03.2023
352
0


Жаратылыстану-математикалық бағыттағы пәндер бойынша республикалық олимпиадада Назарбаев Зияткерлік мектептері қатарынан бесінші рет еліміздің үздік олимпиадалық командасы деп танылды.
Жас математиктер, информатиктер, физиктер, химиктер және географтар жеке және командалық есепте жеткен жетістіктерімен NIS-тің жоғары стандарттарын қайта растады. Зияткерлік мектептердің медалдық қоржыны 60-тан астам түрлі дәрежедегі наградамен толықты, олардың үштен бірі – алтын. NIS өкілдерінің барлығы дерлік құрмет тұғырынан көрінді.


Алматы қаласындағы химия-биология бағытындағы Зияткерлік мектебінің оқушысы, химия пәнінен «TUYMAADA» халықаралық олимпиаданың алтын медаль иегері Еңлік Бақытбекова білімін респубикалық дәрежеде растап 1-орынды иеленді. Сонымен қатар, мектептің оқушылары Дариан Габдуллин химия пәнінен II орынды,
III орынды математика пәнінен Ринат Аманкос, география пәнінен Бекнұр Оразбай иеленді.
Еліміздің үздік физигі атағын Алматыдағы физика-математика бағытындағы Зияткерлік мектеп оқушысы Ерсұлтан Пітебай алды. Жақында ғана Ерсұлтанды бүкіл ел қазіргі таңда беделді жоғары оқу орындарының әлемдік рейтингінде көш бастап тұрған Массачусетс технологиялық институтының шақыртуы және грант иеленуімен құттықтады.
Олимпиаданың күміс жүлдегері, 2023 жылғы түлектердің жұлдызды командасы мүшесі Альмира Нұрланова да MIT-дің грантын иеленді.
Өткен жылы география пәнінен халықаралық IGeO олимпиадасының жеңісті марафонын жалғастырған Санжар Хамитов Ақтөбе қаласындағы NIS-ті кезекті алтын медалімен қуантуда.
Бірінші орын иеленген Зияткерлік мектептер өкілдерінің қатарында семейлік Мұхаммадириф Сахмолдин, NIS халықаралық бакалавриаттан Аида Давлетова, елордадағы физика-математика бағытындағы NIS оқушысы Санжар Бисенәлі бар, олар халықаралық беделді олимпиадаларда ел абыройын асқақтатып келеді.
Ең көп медалді Алматыдағы физика-математика бағытындағы Зияткерлік мектеп мен Павлодардағы NIS оқушылары еншіледі.
Зияткерлік мектептердің республикалық олимпиададағы жаңа жарқын жеңісі NIS-тің академиялық жетістіктерінің қисынды жалғасына айналды.

ПІКІР ҚОСУ

Ваш адрес email не будет опубликован.

Пікір