ҰЛЫҚПАННЫҢ ҰЛАҒАТЫ
Қазақстанның еңбек сіңірген қайраткері, философия ғылымдарының докторы, профессор, ҚР Ұлттық жаратылыстану ғылымының, ҚР педагогика ғылымдарының және Халықаралық ақпараттандыру академиясының академигі, «Дос-Мұқасан» ансамблін тұңғыш құрушылардың бірі Ұлықпан Сыдықов туралы сыр толғайтын кітап ғалымының 70 жасқа толу мерейтойына орай шығарылды.
Әл-Фараби атындағы Қазақ Ұлттық университеті баспасының «Өнегелі өнер» сериясымен жарық көрген бұл жинаққа әдебиет, ғылым қайраткерінің әр алуан тақырыптағы мақалалары, сұхбаттары, әнге арқау болған көптеген өлеңдері енген. Сондай-ақ ұстаздарының, әріптестері мен шәкірттерінің Ұ.Сыдықов туралы ыстық лебіздерін де, мұрағаттық құжаттар мен түрлі бейнелі фотосуреттерді де осы кітаптан оқи аласыздар.